坦白的告訴

前日我女朋友幫我執杉,我同佢正式拖左手仔2日:flushed::flushed::flushed:,比佢第一次上我屋企

我係省仔來:money_mouth_face::money_mouth_face::money_mouth_face:,D杉著到舊吾穿都會再用,佢想我拿走一件最舊的杉,送件新的比我

佢吾知道我有穿女仔杉的辟好:shushing_face:

D胸圍底褲,仲有裙差D比佢見到:sleepy:

我有心同佢繼續發展,預左要話佢知,但係有無女仔會接受到,自己男朋友未來老公,係個著女裝的人:slightly_frowning_face::thinking:

Hello
首先想你知道,有易服嘅喜好並唔係咩「錯誤」「怪異」或者「唔正常」嘅事。正如每人都有唔同嘅喜好,例如每人嘅飲食習慣都會有唔同,喺服裝/性方面,每人都可以喺唔傷害到其他人嘅情況下有權同自由做自己喜歡嘅嘢。 :wink:

只不過,未必每個人都可以好快咁接受到一啲唔係主流文化認可嘅行為,但唔代表你做錯咗咩,而係每人嘅接受能力未必相同。所以呢個話俾伴侶知道嘅過程可能都要慢慢嚟。尤其你哋啱啱開始發展一段親密關係,可能對對方仲有好多唔了解嘅地方,都要一點一滴咁去了解同接受多啲對方嘅嘢。可能要等你哋足夠了解大家,建立咗穩定嘅關係之後再慢慢話俾佢知。你亦都可以平時同佢交流嘅過程中睇下佢點睇呢件事。同埋由「男朋友」去到「老公」呢個身份嘅轉變都可能牽涉一段磨合同互相陪伴、欣賞、扶持嘅過程。一個真正愛你嘅伴侶,唔會因為你嘅喜好去批判你,而係會支持你做你真正嘅自己。 :blush:

同埋你如果唔想伴侶見到你啲衫著,你可以同佢講清楚你嘅界線,例如你會將你啲唔想俾佢見到著嘅衫收好,然後同佢講你唔希望佢去或者睇嗰一個空間,唔係因為你唔信任佢或者唔想同佢一齊,而係你暫時未準備好同佢分享各個空間入邊嘅嘢,你希望佢可以尊重你嘅私隱同空間。同一個人建立親密關係唔代表你唔可以有私人嘅時間同空間。但你準備好話俾佢知,你先將呢樣嘢分享比佢知啦。 :sparkling_heart: