早幾日去左spa，選擇了nuru。
我和技師都全裸，後來我平躺著，而技師則坐上黎，她用她的生殖器磨擦我的陰莖底部，全程我的陰莖頂端及亀部都沒有接觸她的生殖器。
我曾接種9價HPV針，最擔心是感染HSV2，我看過自己的陰莖底部沒顯傷口，想請問風險高嗎？
Hello @WaiWai 
都想了解一下最擔心感染HSV-II嘅原因係D咩？
HSV-II 第二型單純疱疹又稱為陰部疱疹，主要係透過性接觸傳染。一般通常會經由接觸破損嘅皮膚或者黏膜組織（例如口腔、生殖器官等）進入身體。今次嘅情況，即使過程中陰莖頂端及龜頭部分並無接觸過對方嘅生殖器，但係因為對方生殖器都有直接接觸過你嘅陰莖底部，如果當時皮膚係有破損的話，依然都係有機會傳染嘅。不過如果都留意過陰莖底部暫時無明顯嘅傷口，都無需太擔心住嘅 
。建議下次親密接觸嘅時候，都要記得戴番安全套，避免雙方性病傳播嘅風險。
HSV-II 一般潛伏期為性行為後2～12日，大部分人係毫無病徵。第一階段嘅症狀，係性器官或肛門位置刺痛、痕癢、出現細小的水泡。現階段未必會即時留意到症狀。即使感染左的話，如果暫時無出現病徵，HSV-II病毒其實對日常生活唔會有太大影響。而因HSV-II暫時係無辦法完全治癒，所以無病徵出現的話，而醫生亦無任何舒緩情況嘅治療可以做到。
HSV-II 有部分人於感染後無出現病徵，所以都唔能夠話過左潛伏期之後無出現病徵就等於並無受到感染。 擔心感染的話，都建議空窗期 （陰部皰疹IgM抗體：7-10天，感染病毒2星期後，抗體數量會開始下降；陰部皰疹IgG抗體：4-6星期）後做一次性病測試會比較放心 
。不過有檢測結果之前，要記得性行為嘅時候要戴番安全套，避免將病毒傳染比伴侶／對象。
如果已經出現病徵，就建議儘快睇醫生接受治療，發病初期係可以透過外用藥物改善症狀啊
最後，接種HPV九價疫苗，能有效預防男性患上性病疣，及肛門癌嘅風險，但係無法避免感染HSV病毒嘅機會，始終係兩款唔同嘅病毒 。要避免性病傳播機會的話，暫時只有使用安全套，才是最有效避免感染性病的方法。
身體接觸，最大機會就係感染HPV和HSV，咁我打左HPV針，所以對HPV無咁大擔心。
反而HSV，無得打疫苗預防，又無得根治，上網睇又講到如果患者當時正在復發起水泡，就會好大機會感染俾其他人，所以都想了解如果我無傷口的情況下，假設佢係帶病者，咁我大唔大機會受感染。
聽完你講，自己都放心左，跟住都會留意身體的狀況。另外想再詢問下，如果HSV帶病者當時沒有復發，生殖器沒有水泡，咁其實感染他人的機會係咪都會細好多？
不過下次真係唔再玩呢類野了，就算帶套，都有好多位套唔住(例如陰莖底部和陰袋)，都係有機會身體間直接接觸。當唔肯定對方是否帶病的情況下，就會有好多野諗同擔心。
hello 你好啊 
，如果依照你形容嘅情況，對方其實冇任何復發嘅跡象、生殖器沒有水泡，的確感染嘅機會其實好少。而單純疱疹病毒（HSV）嘅感染過程當中，首先會經歷咗刺痛期，之後再經歷水泡期。
→ 刺痛期：皮膚刺痛、搔癢，此時的病毒就已經有顯著的感染力，不可忽視。
→ 水泡期: 皮膚表面開始有小水泡浮現，會漸漸膨脹成單獨或成群的較大水泡。此時會有灼熱及疼痛的感覺，小心不要弄破水泡，以免病毒擴散造成傷口感染及發炎。
所以，如果如果對已經感受到刺痛，未感受到水泡嘅話，當中體內嘅病毒都有一定嘅傳染力。而有水泡出現，題示著病毒嘅感染力較大。所以喺刺痛期同水泡期，兩個時期當中，體內嘅病毒都有一定嘅傳播力，只有程度上嘅差異。所以我地唔能夠單純地依靠對方冇水泡，就可以判斷傳染力或受感染嘅機會。 而你都提到安全套唔能夠完全阻隔到陰莖底部和陰袋，所以如果你想進行下一次嘅親密接觸，都可以衡量以上嘅風險。 
參考資料：https://kb.commonhealth.com.tw/library/244.html#data-3-collapse