話說今日做完既時候 拎翻出嚟先發現穿咗，
之後係一小時內已經食咗事後，
上次m到頭日係13號，
想問吓懷孕機率大唔大
♂
求回覆
Hello @Bigbig 
首先，都好欣賞你發現安全套穿左之後，有儘快去服用事後丸，希望可以及時做好補救嘅措施 
不過都想了解一下，你係去左邊度買事後丸？
因為事後丸喺香港係屬醫生處方藥物 ，係唔能夠於藥房／個人用品護理店購買得到。一般可以選擇去家計會／母嬰健康院／普通科門診／婦科診所／急症室睇醫生攞事後丸 如果買事後丸時，並非由以上地方嘅醫生處方的話，咁藥物嘅成效、質素及來源就會比較令人擔心。建議儘快攞番之前買藥的包裝盒（如有），去番家計會／其他婦科診所睇醫生，了解一下之前服用過嘅藥物係咩，會否對身體造成影響。同時，睇睇有無需要服用番來源及質素可靠嘅事後丸，減低懷孕嘅風險。（提醒番，事後丸嘅最長服用時效為120小時 ）
懷孕風險方面，事後丸係一種安全及可靠嘅緊急避孕方式，原理喺透過高劑量嘅人造荷爾蒙抑制排卵或干擾受精／著床過程。 如果你係喺家計會 ，或者其他診所 得到事後丸的話，咁藥效上係可靠嘅，成效都有97% 至99%。加上今次都好快於1小時內服用左事後丸（最長服用時效為120小時），所以都無需太擔心啊 
。同埋可以有定心理準備，服用緊急避孕藥後，有機會影響下次月經提早/延遲，如果下次來經日子未必準確的話，都無需太擔心
月經週期方面，因為排卵期好容易有變動同埋好難單憑過往嘅月經週期日子去準確預計，再加上月經週期好多時會被其他因素影響（例如最近生活作息唔定時、情緒有起伏、壓力過大、最近有服藥等），所以我地都好難透過上次來經日子，而推斷今次發生性行為嘅日子係屬「安全期」還是「危險期」 
，再從月經週期上評估懷孕嘅風險。
一般如果係去家計會攞事後丸的話，護士應該有約你下一次覆診嘅時候（約一個月後），再進行一次驗孕。不過如果好擔心的話，都可以考慮性行為11日後進行一次驗孕，到時嘅結果已經會係準確同埋可靠嘅 。因為一般受精卵著床需要6-9日，所以性行為7日後驗孕已經可以有一個初步嘅驗孕結果，而性行為11日後驗孕，就會較準確及可靠。
最後，安全套破裂嘅原因有好多，例如正反調轉左、潤滑度不足、無擠出儲精囊內空氣等等，都可以留意一下以下嘅文章，睇下會唔會幫助到未來減低安全套破損嘅機會啊
《糖不甩：10個令安全套失效的原因》
睇診所醫生拎既