好擔心,求解答 😢

我 15-20/8 黎period,26/8 同男朋友有性行為,全程有戴套,嗰日做左兩次

第一次係傳教士式,入左幾下男友忍唔住射左,當下就已經即時㩒實左個套咁退出

第二次係女上男下,有換過另一個新嘅套,郁郁下嘅時候發現男友陰莖軟左少少,所以郁左4、5下諗住等佢硬返,因為之前都試過係咁。跟住陰莖就連埋安全套,自己滑左出黎,當時安全套仲係完整咁套住成個陰莖,而陰莖亦仲有少少勃起嘅狀態,未完全軟晒,細看之下先發現男友原來射左,事後問返男友佢話當時都唔知原來係已經射左

想問下我中招嘅機會大唔大?

1個讚

Hello~ 照你所講嘅情況,性行為期間陰莖變軟,安全套雖然無脫落,但都的確有機會因為安全套唔完全緊貼陰莖,而令精液同分泌物有機會外漏。

因為宜家已經過左服食事後丸嘅有效時限(性行為後嘅72小時/120小時內),所以建議你進行驗孕,因為驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。

就住今次嘅情況,建議射精後/感覺到陰莖變軟時立即㩒住安全套底部抽出陰莖,亦都可以考慮其他安全措施,例如避孕藥、避孕針、子宮環等等。