有性需要，好想試下搵SPA 或者酒店女，但怕傳到性病俾我。想問性病會經手交傳播嘛？如果只係hj / 錫乳頭會有中招機會？可以點避免？
Hello~ 性病嘅常見傳播途徑係有破損嘅黏膜組織(例如陰道、尿道口、肛門、口腔等)接觸到患者嘅高風險體液(例如血液、精液、陰道分泌等)，又或者接觸到患者有病徵嘅皮膚表面，所以一般只接觸到對方嘅手或者乳頭，係無感染性病嘅風險嘅，而且感染性病嘅風險同性經驗多少無關，所以性工作者唔一定係性病患者，不過無論對象係邊個，如果進行插入式性行為/口交等較高感染風險嘅性行為，都建議使用返安全套。
多謝解答，但係都想問多少少，意思即係話同佢接吻嘅話都有機會感染？咁如果一般只係做手交，又或者對方按摩我嘅男性性器官，咁又會唔會有風險呢？同埋皮膚接觸係咪都算容易傳播點樣可以減低風險呢
透過唾液傳播性病嘅風險係好低，無需太擔心啊
就例如平日即使我地同愛滋病感染者同枱食飯／共用餐具，都唔會感染到愛滋病病毒。因為愛滋病病毒需要透過大量唾液（例如2公升），先有機會傳播到
所以一般嘅接吻係好難傳播到性病。
手交過程中如果對方嘅手上未見有傷口，傳染到性病嘅機會率好低。但假如對方之前有接觸過自己陰部嘅分泌物，再觸碰你嘅生殖器的話，就可能會再多少少風險。就手交方面，可以考慮過程中使用安全套覆蓋陰莖，以減低直接接觸嘅機會 
。
正如你所擔心嘅，有部分性病係能夠透過性接觸以外，其他方式（如親密接觸、皮膚接觸、共用物品 ）傳播。例如：梅毒、性病疣（俗稱椰菜花）、生殖器疱疹 可以透過皮膚接觸傳播、而陰蝨 平日會匿藏於陰毛之中，更能夠透過與患者共用衣物／被褥等用品，以間接接觸方式傳播病毒
不過，雖然部分性病病毒能夠透過共用物品（如被褥）方式傳播，但因為機會率較低（除左陰蝨），系你同對方訓在床上嘅時候感染到呢類性病嘅風險係好低。即使咁不幸，感染到陰蝨，亦應該好快就會有徵狀（例如下體就會感到痕癢），所以係會好快發現到。
要減低性病傳播嘅機會，最緊要記得每一次有性接觸／發生性行為，都要做好安全措施 （例如戴安全套／確保環境物品衛生），保障好雙方。而有性需要嘅時候，亦記得過程中係需要雙方有共識，彼此願意有性接觸／發生性行為，咁就可以了 。