事後丸作用

hi 我27/8黎完m 1/9男友內射左 2/9去左食事後丸 想問懷孕的機會大嗎 聽姑娘講如果排左卵 事後丸就冇作用了 因我1/9應該係排卵高峰期(?) 擔心食左事後丸都冇幫助。謝謝解答

hello 你好啊 :laughing:依照你分享嘅情況,意外懷孕嘅機會其實好低,唔需要太擔心。首先都想同你分享事後避孕丸嘅原理,事後丸係含有高劑量人造荷爾蒙,透過唔同嘅途徑去得知緊急避孕,包括:抑制排卵、增加子宮頸黏液分泌令精子難以通過、改變子宮腔環境令受精卵難以著床。事後丸嘅效用顯著,有97% -99%。好多時事後丸都會包含以上一種或以上嘅功效,所以即使已經排咗卵,只要係指定時間之內按照醫生指示服用都仍然可以做到緊急避孕。喺性行為發生後72小時,或者120小時之內服用就可以。都見你分享到姑娘嘅建議,代表都喺家計會或者私家診所攞到避孕藥。所以都唔需要太擔心服用事後避孕藥之外嘅懷孕風險。 :raised_hands:

都想補充少少關於排卵期,都見你分享到經期完結嘅日子。實際上,我地比較難透過記錄經期去推算排卵嘅日子 :nerd_face:,因為經期受太多因素影響。我地需要喺醫生嘅指引下每日使用排卵棒,再加上量體溫測試,否則都好難準確知道幾時係排卵期。 :raised_hands:

另外,服用事後避孕之後,其中一個副作用令到往後嘅經期變得唔規律,有機會提早或廷遲經期,血量都會有機會增加或者減少。但並唔喺每一位女性服用事後避孕藥之後,都會經歷副作用。但喺當你發現下一次經期唔準時,都唔代表懷孕嘅~ 希望可以幫到你。 :innocent:

謝謝你的資訊與解答:)

另外還想問多一個問題, 我食完事後丸已經3日子,仲感覺到攰和腹部悶痛,而且仲有胃痛。是事後丸的副作用嗎,但網上說副作用應該係48小時後就會消失

Hello
首先想你知道,每個人嘅身體狀況唔同,所以對於藥物嘅反應、藥物對身體帶嚟嘅影響都會好唔同。有啲人食完事後藥可能咩事都無,冇覺得特別唔舒服或者冇咩副作用;但有啲人可能身體反應會好大,要幾日時間身體先會慢慢恢復。正如每個人打完疫苗嘅反應都唔同;甚至每個人食完必理痛嘅反應都唔一樣,我哋平時好常見好想用嘅必理痛止痛藥,有啲人嘅體質或者喺某啲身體狀況下食完可能會嘔吐嘅。希望你了解到呢個資訊之後,會安心啲,知道其實係冇一個適用於所有人嘅藥物反應嘅標準。 :blush:

而感覺好攰、腹部悶痛、同埋胃痛其實都仲有好多其他原因可以導致。例如休息得唔好、飲食方面有改變、甚至情緒壓力都會有影響嘅。可能你呢幾日好擔心事後藥嘅藥效同埋佢對身體嘅影響,呢種緊張嘅心情都可能令到個人「囉囉攣」、甚至胃口變差、腸胃不適(現時有科學研究證明神經系統同消化系統係有關聯嘅,所以情緒壓力大係會令到腸胃有反應)。所以我哋暫時都好難單憑呢啲症狀去判斷到底係唔係副作用。 :confounded:

所以建議你嘗試放鬆下心情,休息多啲、食啲令自己覺得開心舒服嘅嘢食,睇下情況有冇好轉。如果觀察幾日情況都係冇改善甚至有惡化,咁就要盡快去睇醫生呀! :woman_health_worker:t2: :man_health_worker:t2:

而都想你知道,事後藥副作用「48小時後就會消失」應該主要係指頭暈、作嘔作悶、胸部脹痛等呢啲作用,但之前都解釋咗,副作用程度同埋消退所需嘅時間都係因人而異嘅。而正如之前Claire所講,事後藥嘅其中一個副作用係會影響1-2次經期,可能你嚟緊1-2次月經嘅月經周期長度、流血日子、流血量、經血顏色質地、經痛程度、經前不適情況等等都會同平時有啲唔同,係正常嘅。不過呢樣嘢就證明咗「副作用」未必係48小時後就完全無晒,可能係1-2個月後先會消失嘅。 :relaxed:

1個讚