有冇機會有左

忘記食2日優悅,第三日早上食返2粒,夜晚食多1粒,忘記食當日是危險期,內射左2次,有冇機會有左!

有人可以解答嗎?

你好呀 @HiuTung :wink:

都想知道你食咗幾耐避孕藥呀? :smile:

如果你一向都有食開避孕藥,已經超過6個月以上,都唔洗太擔心嘅,因為事後丸係透過人造荷爾蒙抑制排卵嘅,一直有長期穩定食藥嘅話,原則上身體係唔會有排卵嘅,咁就無存在危險期嘅情況。但係如果漏食藥嘅話,其實身體都會慢慢恢復月經週期嘅。當然你食咗比較長時間,身體都唔會咁快恢復返月經週期嘅,所以都唔洗擔心住。 :wink:

但係如果你係食咗比較短嘅時間,例如3個月內,藥效未必能夠係身體度建立到,因此都會有懷孕嘅風險,如果比較擔心嘅話,無論食咗幾耐避孕藥,都可以快啲去搵醫生做緊急避孕架啦。 :blush:

要留意嘅係,緊急避孕藥喺香港係法例規定必須經醫生處方嘅藥物,所以建議你去家計會、母嬰健康院或者私家診所領取。如果想了解多啲相關嘅資訊,可以瀏覽以下嘅網頁: 緊急避孕 - 香港家庭計劃指導會 2

另外因為你漏食咗,記住係未來7日如果要發生性行為,一定要用安全套架,因為都要俾時間身體鞏固返藥效架。 :blush: