有發生過性行為 最後一次 16/8 有用安全套射 但做嘅前半part係冇用到的。而加係週期第45日 平時都30幾日 但今次真係最耐。4/9同5/9朝驗過，兩次都冇。但遲遲都未黎，有生下暗瘡同埋下腹有痛但又唔似係谷m嘅痛。好困擾，應該睇中醫完西醫普通科好。聽人普通科都係驗尿之後俾通經藥。呢個八月有揾工辭職嘅壓力又食左西藥但又冇食哂成個療程，呢啲都影響到遲黎。但個人就係好唔理性地好擔心有左，定唔到落嚟，明明驗左但都好唔安落
你好 @Abs 
雖然你地有用安全套，但係前半part，當陰莖喺受到刺激嘅時候，會分泌透明嘅尿道球腺液，當中有機會含有少量嘅精子，所以即使冇內射，但係陰莖同陰道／陰道口有接觸，咁都會有一定嘅風險。而且，射精有時好難控制，未必可以確保每次都能夠控制完全唔射精，再戴安全套。所以，安全套係要戴足全程嘅。 
驗孕係檢驗尿液中嘅hCG水平，hCG係卵子受精著床之後身體會產生嘅一種荷爾蒙，而卵子受精著床需要大概6－9日嘅時間。所以，喺性行為7日後驗孕會得到初步結果，而11日之後就會得到相對比較準確嘅結果啦。而你已經係性行為19日後驗孕，已經係比較準確嘅結果，你如果有正確使用驗孕棒，驗咗兩日都無懷孕，基本上都可以排除懷孕嘅風險架啦。同埋好似你咁講，近排都比較多壓力嘅來源，又食緊藥，但無食曬療程就停藥，又病緊，其實身體仲係度處理緊，你可以想像身體係度處理緊比較重要嘅其他事項（例如病菌、壓力等等），暫時將月經排得比較後，所以就需要慢慢嚟先可以恢復到之前嘅狀態，再加上未嚟月經你自己又比較擔心，無論生理定心理上，都充斥好多因素令月經遲嚟。 
雖然唔容易，但係試下做一啲自己開心有興趣嘅事，話唔定月經係不知不覺間就會來臨呢。 
呀！
好詳細呀 麻煩晒你