自慰嗰陣時
當想射精嘅時候我就暫停刺激，俾啲時間自己冷靜，當想射精嘅感覺消退嘅時候先至再繼續刺激。
但我發現射精嘅感覺消退所需嘅時間都幾長，長係指即使已經暫停刺激，但如果喺勃起期間再次刺激，想射精嘅感覺會非常快就出現返，即係話要等變返軟，想射精嘅感覺先會明顯消退，之後重新嚟過，再勃起，當想射精嘅時候就暫停刺激，要等到變返軟，不停重覆
我本來係想鍛練持久度，但係如果陰莖頻繁充血，係唔係會對身體唔好？
hello 你好啊 
，其實陰莖頻繁充血都唔會對身體有太大嘅影響，只要喺過程中冇出現唔舒服嘅情況就可以啦～ 
都見你分享到依家延遲射精嘅練習，都建議你可以嘗試其他方向：凱格爾運動。凱格爾運動係不斷收縮骨盤底肌嘅運動嚟嘅，佢嘅好處有好多，其中就包括咗增加陰莖嘅硬度、改善早洩、治療前列腺疼痛等等。首先要搵到骨盤底肌係邊度先，你可以試下去小便嘅時候嘗試中斷尿流，中斷時用力嘅位置就係骨盤底肌啦。平時就唔好係小便嘅時候夾斷尿流啦，避免膀胱壓力過大。記住果收緊骨盤底肌嘅感覺，然後就可以試下每日練習。例如一開始可以嘗試收縮嗰組肌肉5秒，然後放鬆5秒，咁樣為之一組，重複呢組動作10次。然後當身體適應咗，可以再加長加多鍛煉嘅時間同次數。但喺都提醒你啱啱開始做嘅時候，都可以循序漸進咁練習，日子耐咗就會見到效果架啦～ 
另外，你都可以嘗試持久環，透過減慢陰莖嘅血液循環，從而令陰莖冇咁敏感。陰莖未勃起嘅時候將個環套喺根部，但需要留意使用持久環都有一定嘅時限，一般而言唔可以超過20分鐘。因為持續處於血液循環較慢嘅情況有機會影響性功能，例如性功能障礙等等。希望可以幫到你。
其實係咪有勃起就儘量射精好啲
我試過刺激到勃起 繼續刺激到想射精 停止刺激直到變軟
然後再重新刺激到勃起 繼續刺激到想射精 停止刺激直到變軟
不停循環
我估個循環最少重覆咗十次
之後覺得唔舒服
我都唔知具體係邊度唔舒服
又好似係陰囊
又好似係下腹，會唔會係前列腺反覆充血所以痛？
總之唔係陰莖
我試過兩次
第一次我最尾都係決定射精 之後感覺好返少少
第二次我唔射 可能因為咁而一直覺得唔舒服
所以其實係咪有勃起就儘量射精好啲
Hello
其實唔一定要射精㗎:) 我覺得考慮自己感受緊要啲，唔舒服想射其實都冇壞嘅，反而谷住谷住都會令自己忍得辛苦。自慰應該係一個享受嘅過程，如果有好大壓力&唔舒服嘅話，可能都需要追溯壓力嘅來源調節一下。
同埋都見到你有做延遲射精嘅練習，如果一開頭真係唔太適應嘅話可以慢慢嚟唔使咁頻密咁練呀，始終過分刺激龜頭都好容易唔舒服。最緊要係以一個自己舒服嘅步伐去進行，同埋停止刺激嘅時候可以唔使一定等到佢變軟先再繼續，喺硬硬地嗰陣再繼續又得:)
唔係特登等到軟先繼續
而係等得唔夠耐嘅話會好快又想射
我諗你嘅意思係去到要停止刺激等射精感覺無咗先繼續刺激果一步，要停比較耐個感覺先無，導致到軟咗。
其實當停止刺激之後，唔一定要等到無咗先刺激，只要個感覺無咁強烈嘅時候已經可以試下刺激架啦，因為呢個訓練就係要keep住陰莖興奮，同時延緩射精嘅時間。所以刺激嘅方法可能需要改變下，你可以試下以下呢啲方法：
1）一開始用你自己認為最舒服嘅方式刺激到有射精感覺，然後停低；
2）等感覺消退/減少之後用指尖按摩陰莖同陰囊，保持陰莖勃起嘅狀態，
然後就有兩條path俾你揀，
第一條path：維持強度短暫刺激（姐係握住陰莖嘅力量唔減少）
按摩嘅時候快速上下套弄陰莖3次左右，然後放手，心中倒數10聲，然後繼續用指尖按摩陰莖
（如果係比較敏感嘅情況，依家呢個時候應該會想射精；如果仲未有感覺，就可以再套弄3次，唔好連續套弄，係3次3次咁，當然上下套弄嘅次數都可以自己定嘅，釐定嘅標準就係會令你再次有射精感覺）
第二條path：減少強度持續刺激（姐係用比較輕柔嘅手法刺激陰莖）
按摩之後，用指尖輕輕摸陰莖，用好輕好輕嘅力度摸，切忌唔可以用手掌，好似挑逗緊自己嘅陰莖咁，一直持續到有射精嘅感覺，然後放手，心中倒數10聲，然後繼續用指尖挑逗陰莖
3）最後你可以選擇射精定唔射精
你可以試下咁樣嘅方式會唔會令你做延遲射精訓練嘅時候比較舒服同有成效啲。
如果最後唔射然後覺得唔舒服
算唔算blue balls？
Helloo
的確有呢個可能呀，blue balls常見症狀為睪丸有唔舒服/墜墜地嘅感覺。而呢個現象係因為陰莖勃起左一段長時間，大量血液長期積聚喺陰莖所造成。而你提到「最後唔射然後覺得唔舒服」，呢個有可能係因為你冇射所以令陰莖keep住處於充血狀態導致不適。
如果只係輕微嘅不適都唔使太擔心嘅，但如果已經去到好痛/Keep住痛左一段時間，呢度都真係建議搵醫生check下好啲，睇下會唔會係身體出現咗啲狀況。