今個月係我第一次食Yaz, 8月21日第一日出現M就開始食, 時間係每晚既11pm, 每日都有準時食。8月31日上午9:30am開始又痾又嘔, 痾嘔左兩個鐘到無事, 之後個晚同期後一樣準時食藥(一直沒有漏服)。9月4&5日都有無套性行為+外射。直至9月8日晚上無套性行為+內射。今日已經食到無藥性4粒內既第二粒 只剩反2粒白色, 未黎m, 呢兩日都有驗孕陰性。請問8月31個日食完藥相隔10小時後痾嘔有影響嗎?宜家有啲擔心, 謝謝你。
hello 你好啊 
，首先都想了解你服用事前避孕藥之前有冇睇過醫生？市面上都以比較容易買到，但唔同牌子嘅避孕藥，都有唔同嘅劑量、成份同種類。所以都建議最好喺第一次服用事前避孕之前，去睇下醫生，由醫生建議最為適合嘅避孕藥。另外，如果長期服用嘅話，都可以每年一次去覆診，因為身體狀況都因應唔同狀態、年齡、疾病等等因素影響，有機會變得唔太適合服用以往食開牌子避孕藥，所以每年覆診一次就更加穩妥。
依照你嘅分享，如果每晚11pm 準時服用，9:30am 痾嘔應該唔會影響藥效吸收，因為身體大概需要2-3小時吸收藥物。而你嘅情況都相隔咗約10個鐘至痾嘔，情理上唔會影響藥效嘅吸收。而你都有去驗孕又得出陰性結果。所以果次性行為造成意外懷孕嘅機會都好微，唔需要太擔心。
只要你每日都定時服用避孕藥，冇漏服嘅過，身體都會慢慢吸收同建立藥效。而喺未嚟經期方面，因為事前避孕藥嘅其中一個副作用令經期變得唔穩定，都有機會喺開咗新一排避孕藥後至嚟經期都唔一定。但重點喺，只要每日都有服用到事前避孕藥，沒有漏服，懷孕嘅風險都喺比較低，即使未嚟經期，都可以開下一包藥服用。服用白色藥丸嘅期間嚟經期，都喺正常嘅。經期未必一定會喺食白色藥丸期間嚟，正如上面解釋經期都喺浮動嘅，所以就算經期唔喺食白色藥丸期間嚟，都唔需要太擔心。但喺開始服用下一藥嘅期間，都未嚟經期嘅話，就可以睇下醫生，了解身體情況。
最後都想補充翻少少事前避孕藥嘅原理，事前避孕喺透過人造荷爾蒙抑制卵巢排卵、令子宮內膜產生變化，使受精卵無法著床，同埋增加子宮頸分泌物嘅黏稠度，使精子難於穿過黏液，進入子宮腔內，所以避孕成效係相對高嘅 (婦女喺第一年使用這種避孕方法後嘅意外懷孕機會為 0.3－9%)。不過，因為冇一種避孕方法係100%成功嘅，所以係有持續服食事前避孕藥嘅情況下，無論係有冇使用安全套以及體內射精，都有懷孕嘅機會。希望可以幫到你。 
你好, 謝謝你較早前既回覆, 之後月經如常出現了。
現在已是第三盒Yaz了, 昨晚如常11pm服用第五粒有藥性避孕丸, 到了凌晨的1時半賜胃不適, 小嘔及小痾了一次, 沒有持續痾嘔, 之後沒事再去睡覺。請問我今早應該要再多吃一粒嗎?
現在有點擔心, 我應該怎樣做呢??
hello 你好啊，因為今次服用避孕丸同嘔痾相距嘅時間相距2.5小時，所以身體都有機會已經吸收避孕藥嘅藥效 
。建議你可以喺未來7日如果發生性行為嘅話，可以配搭使用男用安全套。同埋向處方藥方嘅醫生查詢，其他需要嘅地方。希望可以解答到你。
你好，我現在正在吃第四盒Yaz。4/12星期六(第22粒)11pm 吃了藥後15分鐘內飲了一小杯紅酒，並沒有痾嘔。請問有影響嗎？5/12發生了性行為(沒有安全套)，現在有點擔心。
Hello
暫時並無科學研究或者醫學數據顯示酒精對避孕藥功效有影響。所以如果你冇嚴重肚瀉或者嘔吐，而且你之前都有正確咁準時食藥，冇漏食，其實懷孕風險係好低嘅。 
不過，有啲人服用避孕藥再飲酒，身體對於酒精嘅消化同埋代謝會慢咗，所以可能同冇食避孕藥嘅時候相比，飲完酒更加容易醉或者唔舒服，酒量會同未服用避孕藥個陣唔同。你可以留意下自己嘅身體有冇對酒精有特別反應。同埋都可以考慮如果下次要飲酒，可以錯開飲酒同服藥嘅時間。 