想問下我洗唔洗食藥😭

14早上同男友搞左一次,有用套,完事之後冇check番有冇穿,之後問番男友話冇穿,但14號係排卵期,好擔心,請問我洗唔洗食藥:sob:

hello 你好啊,首先都想分享翻「計算排卵日或者經期」並唔喺準確可靠嘅方式避孕。因為經期受好多內在同外在因素影響,例如荷爾蒙分泌、飲食習慣、休息、壓力、藥物。所以就算以往嘅經期喺準時,都唔代表往後嘅經期都會按照週期出現。經期都喺好浮動嘅。所以我地需要等月經出現之後先可以推算返排卵日係幾時,除非每日都喺醫生嘅指導下用排卵試紙去測試,我地至有可能準確咁知道究竟邊一日會排卵。

如果全程都有正確使用安全套,其實意外懷孕嘅可能性都好微。你都可以參考以往ig嘅post,了解下使用安全套嘅時候,需要留意嘅地方:
→ 10個令安全套破損嘅原因: https://www.instagram.com/p/CM4ereiDmIl/
→ 選擇尺寸: https://www.instagram.com/p/CNmt0RpDzpy/
→ 男用安全套嘅使用方法: https://www.instagram.com/p/B4EX0FVFLUf/

所以唔太需要服用事後避孕藥嘅~ 如果你認為使用安全套未必令自己可以安心嘅話,都可以嘗試其他避孕方法,例如荷爾蒙避孕方法:事前避孕藥或避孕針、又或者子宮環等等。

如果你都持續擔心/焦慮,都建議你可以嘗試驗孕,俾一個確實嘅答案自己,令自己更加安心。只要跟足說明者嘅指示完成就可以。喺性行為發生後7日驗孕,可以得出初步結果;11日驗孕,可以得出準確同可靠嘅結果。因為一般受精卵著床需要6-9日,驗孕棒透過檢測尿液中嘅HCG(人絨毛膜促性腺激素)含量嚟判斷有無懷孕,因為只有受精卵成功著床嘅女性身體先會開始分泌HCG。你都可以考慮一下驗孕,令自己放心少少。

1個讚