咁樣會唔會有機會懷孕

我同男朋友係排卵期曳曳 佢無插入過 但係佢勃起嘅時候(係佢射精前) 佢摸過佢下面 然後摸再我個陰道口(應該無伸手指入去) 我唔知果d算係尿道球腺液定前列腺液 我係發生後48小時後食左第一代避引丸 想知咁樣會唔會有機會懷孕:pray:t2::pray:t2: 同埋我處女膜未穿(未真係have sex):see_no_evil::see_no_evil:
而家好驚 佢摸完我先知佢摸過佢下面 (網上睇男性射精前啲分秘物會有精子係入面而有機會會令女性懷孕

佢話佢摸嘅時候手指已經乾左(但我唔肯定:see_no_evil:

Hello~ 照你所講嘅情況,懷孕嘅風險係好低嘅:blush: 因爲精子接觸到空氣後通常幾分鐘內就會死亡,而且接觸到皮膚、衣物等表面都會進一步減低精子嘅存活率。男性性興奮嘅時候會分泌透明嘅係叫「尿道球腺液」,當中有機會含有少量精子。而「前列腺液」其實係精液嘅一部分,係乳白色。雖然都含有精子,但佢哋係唔一樣架~

另外想了解下你提到嘅避免藥係唔係指緊急避孕藥?因為避孕藥係要持續及定時服用先有效,只有緊急避孕藥先可以喺性行為後提供單次性緊急避孕。現時大部份醫生處方嘅都係較新發行嘅緊急避孕藥,一般都具有抑制排卵及干擾受精過程嘅作用,不過見你提到當時服食嘅係第一代避孕藥,就有機會只能抑制排卵,所以如果性行為時已經排咗卵嘅話,就有機會做唔到緊急避孕,不過依個問題建議你向處方緊急避孕藥嘅診所查詢下,因為診所最清楚處方俾你嘅係邊款藥丸同埋佢嘅藥效。

見你提到處女膜同懷孕風險嘅關係,首先處女膜正確學名係陰道冠,佢並唔係完全密封嘅。女性一出世嘅時候呢塊結締組織上面就已經會有一定嘅開口,等分泌物同月經流出,所以並唔存在處女膜未破裂就無懷孕風險嘅講法阿~

我係係家計會食嘅緊急避孕丸 咁我食左第一代係咪無乜用
上個月黎m係24號 一般黎6-7日 通常30-33日黎一次
同埋如果男朋友隻手未完全乾晒 懷孕率係咪好高 (即使我食左避孕丸而且佢係第一代同我好遲先食:pray:t2::pray:t2::pray:t2:

我食果個應該係 單一荷爾蒙(黃體酮)係咪唔可以防止受精卵著床
(講漏左 曳曳係今個月14號發生的)

我哋之前有解釋過,你上次嘅性接觸風險係比較低嘅,而你之後又有進行緊急避孕,所以懷孕風險都會好低。 :relaxed:

關於緊急避孕藥嘅功效,第一代避孕藥係單一荷爾蒙(黃體酮)型(synthetic progestogen)嘅緊急避孕藥,喺唔安全性行為後72小時內服用有效,有97-98%嘅避孕成功率,不過的確越早服用,避孕功效越大。黃體激素受體劑(selective progesterone receptor modulator),係第二代嘅緊急避孕藥,喺唔安全性行為後120小時內服用有效,有98-99%嘅避孕成功率。家計會兩種藥物都有提供,醫生通常會根據你嘅選擇同埋你嘅身體情況俾適合你嘅藥物。而因為第二代事後藥關於喺急避孕失敗嘅情況下會唔會影響胎兒發育呢方面研究數據不足,所以都有唔少人會選擇服用第一代緊急避孕藥。雖然兩者嘅藥物成份唔同,但功效一樣,都係會抑制排卵、干擾受精過程、改變子宮內膜環境從而令受精卵唔能夠著床,所以無論服用緊急避孕藥之前身體有冇排卵/卵子有冇受精,只要喺緊急避孕藥有效時間之內服用,而且冇喺短時間内嘔吐/腹瀉,咁避孕成功率都會係高嘅。參考資料:緊急避孕 - 香港家庭計劃指導會

而且,你性行為後48小時喺家計會經醫生處方先食藥,醫生亦會評估你嘅身體狀況,認為你適合服用同埋服用後會有緊急避孕功效,先會俾你食藥。所以都唔需要太擔心。卵子受精著床通常需要6-9日嘅時間,所以如果你真係好擔心,你都可以自行驗孕。驗孕係檢驗尿液中嘅hCG水平,hCG係卵子受精著床之後身體會產生嘅一種荷爾蒙。所以,喺性行為嘅7日後(9月21號)驗孕,會得到初步結果,而11日後(9月25號)進行驗孕,就會得到較為準確嘅結果。或者如果家計會有同你預約覆診時間進行驗孕,你都可以照返預約時間去返家計會驗孕。 :blush:

另外見你之前有講「排卵期」呢樣嘢,其實月經同排卵其實係受好多唔同身體因素影響嘅,例如荷爾蒙水平、飲食、作息、壓力、生病、藥物等等。而排卵其實係要等月經出現之後先可以推算返幾時排卵。所以,除非喺醫生嘅指導之下每日用排卵試紙測試著,否則我哋好難準確咁知道究竟幾時會排卵。一啲app嘅紀錄或者日曆推算並唔準確,因為app通常係以你過往嘅月經週期pattern去估計/日曆就係用數日子嘅方法,預算你幾時會排卵,但係app/日曆並唔會知道你成個週期/將來嘅身體狀況,例如你嘅情緒壓力/有冇食過藥/休息得好唔好,但係呢啲因素都會對月經同排卵造成影響。同埋都想俾定心理準備你,因為你有服用緊急避孕藥,所以可能嚟緊1-2次月經嘅情況會同平時嘅平均狀況唔同,例如會提前/遲嚟,或者經痛比較嚴重,通常1-2次月經之後就會相對穩定返。 :wink:

建議你哋下次發生性接觸嘅時候,可以考慮使用指套/口交膜(可以覆蓋陰道口同附近範圍)呢啲阻隔式嘅安全措施,或者即使唔係發生陰道插入式嘅性行為,都可以考慮使用安全套,去避免體液直接或意外地接觸到身體,咁就可以更加安心啦!或者你哋都可以考慮,當心理上未準備好發生性接觸嘅情況下,就唔好發生任何形式嘅性接觸,直至你哋雙方都覺得準備好,先再進行性接觸呀。 :smiling_face_with_three_hearts: