我5/9同男朋友隔住褲同底褲（兩個都係） 磨磨下(都係十幾下到）之後發現大家條褲都見到濕左 佢都有 好驚佢d前列腺液會有小量精子
之後佢再用手指幫我摸下面 但都有隔褲 佢手指冇掂過自己
而家已經遲黎左m 6日 但又有壓力同啱啱打完針 唔知關唔關事 而家好擔心 日日都去search
求解答
Sor 唔記得講 我仲係處
hello 你好啊 
，依照你分享嘅情況，其實懷孕嘅風險唔太高。因為精液/ 尿道球腺液當中嘅精子唔可能會穿透條褲，進而進入陰道。另外，射精/ 尿道球腺液流出後後，精液當中嘅精子暴露喺空氣當中好快就會死亡，再加上你同伴侶都有隔褲磨擦，精液/ 尿道球腺液被衣物吸收後，精子失去生存環境就會死亡。原理上，精子暴露咗喺空氣當中都會好容易揮發、又或者比衣物吸收咗，所以精子失去咗活動嘅媒介其實都唔會存活到。所以因為隔褲體外磨擦而意外懷孕嘅可能性都好微。
都想建議如果你同伴侶下一次再進行親密行為嘅時候，都可以盡量使用安全套。因為體外磨擦都唔喺一個可以減低意外懷孕嘅方法嚟㗎～ 正如你提到嘅「前列腺液」，其實嘅「前列腺液」係偏奶白色，係屬於精液嘅一部分。其實男性係性興奮時分泌嘅透明液體係「尿道球腺液」，當中係有機會含有精子嘅。而你所講，同「尿道球腺液」係唔一樣架。不過尿道球腺液如果直接接觸到陰道都係有機會造成懷孕嘅。
如果你同伴侶都想繼續親密行為，又想避免意外懷孕嘅風險，都好建議你同伴侶商量一下會唔會長遠嘅避孕方法可以試下 
，例如男用安全套、唔同荷爾蒙避孕方法，例如事前避孕藥、避孕針等等。咁樣可以既滿足大家，又唔會每次結束後都擔心同焦慮懷孕嘅風險。 
另外，你另一個擔心就喺未嚟經期，同埋打針會唔會影有影響。都想確實你意思嘅打針喺㗎咪疫苗？因為經期受好多外在同內在因素影響，例如飲食習慣、情緒波動、服用嘅藥物（例如抗生素、疫苗）、你提及嘅壓力因素、生活習慣嘅改變等等～所以就算以往嘅經期喺準時，都唔代表下一次嘅經期喺準時。所以未嚟經期，可以冇好多個因素影響，並非一定因為意外懷孕。最後，而的確有一啲人打完疫苗之後月經會受到影響 （參考資料：Covid vaccine: Period changes could be a short-term side effect - BBC News 7 ），不過每個人嘅身體狀況都唔同，身體反應情況都會因人而異。所以其他女性打針後會影響經期，純粹當喺參考～
最後，你都分享到依家都喺處女。都想解釋陰道冠，即喺俗稱嘅處女膜，並唔係一塊一觸即破嘅薄膜，而係一個有窿嘅結締組織，之所以有窿係為左俾女性嘅分泌物同經血排出體外，每個女性陰道冠上嘅窿嘅大細同形狀都唔同。所以陰道冠喺咪破裂，同懷孕風險其實冇關係，因為當精子接觸到陰道都可以穿過陰道冠。但正如上面所講，你同伴侶因為今次嘅親密行為而導致意外懷孕嘅風險其實好細。希望可以解答到你。
我係打biotech啊🥲 唔該曬你 好詳細 我繼續留意下幾多黎🥲🥲