有帶套 會唔會有咗好驚!

同男朋友係八月尾試第一次 有帶套 全程都冇除落黎 冇插到盡 佢話佢係感覺到要射嘅時候就攞咗出黎
其實係咪冇機會有?
因為我呢排都易頭暈 同有少少腹痛
但係就冇想嘔同其他徵兆 係咪純粹係未嚟M 唔關有咗事?:sob:

hello 你好啊 :smile:如果你同伴侶都有全程都有正確使用安全套,射精嘅時候喺冇內射嘅話,其實懷孕嘅風險不大~都想問問親密行為完結後,你地有冇再檢查安全套有冇破損?如果以往冇未試過呢個習慣嘅話,都可以喺下一次親密行為後檢查一下,令自已更加安心。檢查嘅方法喺將安全套除落嚟之後,注水入去,如果當中冇漏水嘅話就代表冇破損~ :nerd_face:

而你提到頭暈/ 腹痛其實可以有好多唔同嘅原因導致,例如未嚟經期嘅先兆、真喺意外懷孕嘅先兆、近期生活或飲食習慣嘅轉變、情緒持續擔心同焦慮等等。都想同你解釋,經期受好多唔同因素影響,例如情緒波動、近期服用嘅藥物(例如抗生素)、荷爾蒙變化都有機會影響經期。所以就算以往嘅經期準時,都唔代表嚟緊嘅經期準時。經期嘅日子都有機會唔穩定同浮動。所以未嚟經期,都可以喺好多因素下影響嘅結果,未必因為懷孕。但喺如果經期已經距離上一次週期比較長嘅時間,就需要去睇下醫生,了解身體狀況。

單靠病徵都好難確實地判斷身體狀況,所以如果想俾肯定嘅答案自己,都可以考慮驗孕。性行為發生後7日驗孕可以得出初步結果,11日驗孕可以得出準確同可靠嘅結果。所以如果你喺8月尾進行第一次性行為,其實依家驗孕就可以得出準確可靠嘅結果 :laughing:。當中嘅原理喺透過檢測尿液中嘅HCG(人絨毛膜促性腺激素)含量嚟判斷有無懷孕,因為只有受精卵成功著床嘅女性身體先會會開始分泌HCG,通常著床時間就會係6-9日,咁通常7日就會有初步嘅結果,11日嘅時候受精卵已經完全著床成功,體內嘅HCG分泌亦都足夠檢驗出有無懷孕架啦。希望可以幫到你啦~ :smile:

其實機會率係咪好微?
(本身自己身體都易暈)

正如我哋之前所解釋,只要你哋全程都有正確咁使用安全套,安全套冇穿冇漏,咁懷孕風險係好低微嘅。我哋亦都有建議過,如果你真係好擔心嘅,與其估估下令到自己擔憂,不如真係驗孕,可能你親眼見到個結果會安心啲。同埋你所講嘅徵狀都不足以作為懷孕嘅徵狀,因為懷孕會有咩身體變化其實每人都唔同,有啲人可能有明顯不適,有啲人可能成個懷孕過程都無咩特別症狀。所以,唔能夠單憑你所講嘅徵狀去判斷自己有冇懷孕。 :x:

你有呢個擔憂係咪因為月經比平時平均嘅情況遲咗?其實月經會受好多唔同因素影響嘅,例如荷爾蒙分泌、飲食、作息、藥物等等。所以每人每次月經嘅狀況都可能會唔同。如果你呢排情緒壓力比較大,或者有食過藥打過疫苗,或者休息得唔好,其實都有機會導致月經同平時相比有啲唔同嘅。不過如果連續幾個月經週期你嘅月經情況都好浮動、有好明顯嘅變化,你都可以考慮睇醫生,檢查下有冇啲特別原因令身體有呢個狀況。 :blush:

至於易暈呢樣嘢,如果對你嘅生活有影響嘅話,其實都不妨去搵醫生檢查下,睇下有冇一啲病理性嘅原因導致呢容易暈呀。 :woman_health_worker:t2: :man_health_worker:t2:

1個讚