餵人奶可唔可以食避孕藥?

如題,餵人奶可唔可以食避孕藥?

Hello
餵人奶嘅人都可以服用避孕藥嘅,不過係要服用單一荷爾蒙類型嘅避孕藥,因為混合型荷爾蒙避孕藥有機會影響乳汁分泌。而如果要服用混合荷爾蒙型嘅避孕藥,就要等到產後六星期之後先開始服用,但服藥期間必須留意母乳供應情況,如果發現奶量減少,就要停服、同埋增加餵哺次數,再度刺激母乳供應。你可以參考家計會網站嘅介紹:口服避孕丸 - 香港家庭計劃指導會

所以,建議服用之前要睇過醫生先,因為並唔係每個人嘅體質都適合服用避孕藥,而且唔同款式嘅避孕藥有唔同嘅人造荷爾蒙成份同劑量,所以建議搵醫生檢查咗你嘅身體情況先,睇下你係咪適合同埋適合邊款避孕藥,即使唔適合,醫生都可以俾到其他避孕建議你。再加上市面上比較少見單一荷爾蒙避孕藥,可能去診所/醫療機構會比較容易買到。你可以去家計會診所/母嬰健康院/部分私家診所得到呢個服務,有需要快啲去預約啦!同埋記得要同醫生講你有餵緊人奶呀! :blush:

有其他疑問都歡迎你隨時搵我地。 :sparkling_heart: