有套內射後.....

尋晚同男朋友性交,全程有帶套,當佢內射後抽出,我摸摸下體有少少白白地呢黏液,但佢個套又好似冇穿嘅,印落紙巾度都好似冇濕,但好驚果我啲黏液係精液,定係我啲分泌物呢?

Hello~ 只要喺整個性行為期間都有正確使用安全套嘅話,懷孕嘅機會係好低嘅,如果想確認安全套有無破損嘅話,可以喺性行為後注水入安全套測試下,如果無發現漏水嘅話就即係無破損啦:blush:

至於你提到性行為後陰部嘅白色黏液,有機會係陰道分泌,佢嘅顏色同埋濃度係會隨住陰道嘅狀態改變嘅,而性興奮時陰道分泌會偏向濃稠同埋呈奶白色狀,所以並唔一定係精液,唔需要太擔心:relaxed: