同男朋友上個月做咗一次，今個月做咗一次。兩次都冇戴，但係都唔係危險期做，而且都距離危險期一兩個禮拜先做。
自從上次8月13日嚟過一次為期5日嘅M之後到依家都未嚟，唔知係唔係因為呢個月嘅情緒都好差，休息都唔定時而且唔夠(平均凌晨一點幾兩點訓，朝早七點就要起身)，食嘢都唔定時。唔知會唔會搞到經期延長？
如果真係有咗，要去家計會墮胎，家計會會唔會通知家長？而且我估墮胎應該都有一啲文件要簽，係唔係要家長嚟簽名？有冇方法可以唔俾屋企人知道？
想問清楚詳細啲，上個月係13號之後再做愛？之後都係發生過一次？到今個月發生左幾次？最緊要係你男朋友有無射到入去，如果有都已經遲左一段時間，建議你去買支驗孕棒驗左先
上個月係啱啱嚟完做咗一次，8月19號凌晨。
而今個月係9月14號做咗一次。
總共兩次。
手機嘅預測經期係8月27號到9月1號。
兩次都冇戴套，射嘅時候係外射。
預測經期日子由9月14號到9月18號。
今日(9月23號)朝早check過一次，冇懷孕，但係唔知準唔準確，用嘅係萬寧一次性驗孕棒。
我上網查過基本上一個禮拜體內HCG值就會到達50 or above，而萬寧驗孕棒嘅靈敏度係20HCG就可以check到，咁係唔係啫係冇懷孕？
因為check過冇懷孕，所以打算book政府嘅普通科門診睇醫生，佢哋會唔會通知家長/同家長講？
hello 你好啊 
，首先解釋關於意外懷孕風險嘅問題。因為經期呢一個症狀並唔足以判斷意外懷孕嘅結果。最可靠、俾到肯定答案自己同伴侶嘅方法都喺使用驗孕棒。性行為發生後7日驗孕，可以得出初步嘅結果。性行為發生後14日驗孕，可以得出準確同可靠嘅結果。依照你分享嘅情況，距離你同伴侶上一次發生性行為應該超過14日，所以依家驗孕都可以得出可靠嘅結果。只要跟足驗孕棒嘅指示，驗孕棒都準確度都有97%-99%。當中嘅原理喺透過檢測尿液中嘅HCG(人絨毛膜促性腺激素)含量嚟判斷有無懷孕，因為只有受精卵成功著床嘅女性身體先會會開始分泌HCG，通常著床時間就會係6-9日，咁通常7日就會有初步嘅結果，11日嘅時候受精卵已經完全著床成功，體內嘅HCG分泌亦都足夠檢驗出有無懷孕架啦。所以現階段你地可以先驗孕，先了解咗身體喺咪確實驗孕。
另外，經期受好多種內在同外在因素影響，例如你提到嘅情緒因素、生活作息嘅轉變、飲食習慣嘅轉變、又或者近期服用嘅藥物（例如抗生素）其實都會有影響。所以，就算以往嘅經期都喺準時，都啱代表將來嘅經期都喺準時，因為身體內嘅荷爾蒙都受好多因素影緒。的確，你提到嘅因素令到經期變得唔穩定。所以就算依家距離上一次經期比較耐，都唔代表因為意外懷孕所導致。見你都分享到進行性行為都避免危險期，都想提醒翻少少，計算安全期並唔喺一個可靠嘅方法嚟避孕，正如同之前解釋，經期本身就喺浮動同唔穩定，所以排卵期都喺等經期出現，至可以往前推算喺排卵日。如果你同伴侶都未有生育打算，又想繼續進行親密行為，都好建議你地可以商量使用唔同嘅避孕方法，例如男用避孕套、荷爾蒙避孕方法，例如事前避孕藥同避孕針。
至於內射嘅問題，因為男性喺性興奮嘅時候就會分泌出尿道球腺液，當中都會含有少量精子，所以就算喺體外射精都會有某程度上嘅風險。體外射精唔算喺一個有效嘅避孕方法，都建議你同伴侶都可以全程使用男用安全套、又或者其他荷爾蒙避孕方法，會比較穩妥。
而家計會墮胎方面，家計會唔會預先有求助者家長嘅聯絡方法，都唔會喺未得求助者同意之下，去聯絡家長。而佢地有機會喺過程當中建議你同屋企人商量。咁樣建議嘅原因喺，避孕手術始終都有一定程度上風險，所以一般都會建議通知屋企人。而手術完成後，身體可能都需要其他人幫手照顧，所以家計會都會建議求助者聯絡屋企人。
家計會醫護人員會系首次接見求助者嘅時候，會先問你個人病歷、進行尿液驗孕，同埋向你提供有關終止懷孕的基本資料及輔導。由於家計會認為終止懷孕係一個重要嘅決定，所以會建議求助者於初診後重新慎重考慮係咪要進行終止懷孕。假如求助者決定終止懷孕，家計會護士將安排就診者再次約見醫生，商議及評估終止懷孕風險，同埋進行身體及盆腔檢查，以確定就診者是否適合系家計會進行終止懷孕。但系正如上面分享，現階段你地真喺好擔心意外懷孕嘅話，都可以先自行驗孕先。希望可以解答到你地。
1個讚
唔該曬啊！我想再問一問如果去普通科門診睇，佢哋會唔會主動通知家長？
Hello @nofrd 
都想釐清番你所指嘅未成年，係指未滿16歲，還是未滿18歲？而想睇普通科門診方面，係咪主要原因都想就番月經未黎，所以想到普通科門診求醫？
因為在香港，年滿16歲或以上發生性行為的話，係合法嘅。所以如果依家你已經滿16歲的話，就無需擔心家計會或公立/私立醫院會報警 
不過如果未滿16歲，就可能需要考慮一下是否到普通科門診，還是去家計會會比較合適。始終未滿16歲的話，過程中普通科門診醫生都有機會詢問有關性行為嘅問題。而如果你願意同醫生分享你曾發生性行為的話，可能就要視乎醫生的取態，而是否將個案呈報比警方知道。所以一般有關月經或其他有關性接觸嘅問題，如果都唔想擔心會否通知家長或報警的話，建議去番家計會就會較合適及放心D 
。
Oh我已經夠16歲，今年17歲了
唔該曬你解答我嘅疑問啊～
琴日都check多咗一次都係-ve
普通科轉介咗我去婦科啦～麻煩晒～
1個讚
如果有依足驗孕棒說明書，驗孕左兩次都係顯示無懷孕，咁就可以放心啦
未來有其他疑問的話，都歡迎隨時詢問我地啊～ 
我係普通科門診驗咗一次都係-ve
所以應該係我身體出咗少少問題
導致咁耐都唔嚟m，麻煩晒你
不過我17歲就sexually active
去到婦科好尷尬QQ