關於條j既問題

想問一問d人成人講度條j 有幾長,係講緊硬之前定之後?
如果每次發生性行為都只係射一半,對身體有冇影響?

hello 你好啊 :smiley:,以香港成年男人嘅平均陰莖長度喺11.9 cm,通常喺指陰莖勃起後嘅長度。呢個都喺平均值,陰莖嘅大小、長度、持久度或者外觀等等,都唔會有一定嘅標準。所以11.9cm都喺統計數字,可以參考,並非喺一個絕對嘅標準。

都想問多少少關於性行為只喺射一半嘅意思喺有意識地控制射精嘅數量?如果你嘅意思喺射精嘅時候忍住唔射,都比較唔建議。因為咁樣的確會對身體造成一定嘅影響,例如前列腺炎、精液逆行(精液倒流)等等嘅問題發生。

如果你嘅意思喺,想訓練陰莖嘅持久度嘅話,其實可以做凱格爾運動。凱格爾運動係不斷收縮骨盤底肌嘅運動嚟嘅。首先要搵到骨盤底肌係邊度先,你可以試下去小便嘅時候嘗試中斷尿流,中斷時用力嘅位置就係骨盤底肌啦。平時就唔好係小便嘅時候夾斷尿流啦,避免膀胱壓力過大。記住果收緊骨盤底肌嘅感覺,然後就可以試下每日練習。例如一開始可以嘗試收縮嗰組肌肉5秒,然後放鬆5秒,咁樣為之一組,重複呢組動作10次。然後當身體適應咗,可以再加長加多鍛煉嘅時間同次數。又或者可以試用唔同嘅工具,例如持久環、持久噴霧提升陰莖嘅持久度。留意一下,持久環嘅使用時限唔可以超過20分鐘,因為持續處於血液循環較慢嘅情況有機會影響性功能,例如性功能障礙等等。當中嘅原理透過減慢陰莖嘅血液循環,從而令陰莖冇咁敏感。希望可以解答到你。 :smiley:

謝謝回覆,學到野! thx!