半套感染性病機會大嗎

於三天前,我在內地找了性工作者進行了推油+半套的服務,其中包括了無套口交、無套性器官摩擦(女方躺下,夾住大腿,然後我在其大腿和陰部間進行摩擦,俗稱磨豆腐/素股),摩擦時有潤滑液,也接觸了女方的外陰唇,但我相信並沒有進入陰道,之後也沒有性行為,回到住宿處也有仔細清潔陰莖並檢查沒有傷口。

因此有以下幾個問題:

1.請問感染性病的幾率高嗎(特別是艾滋病)?
2.某些第四代試紙宣稱七天後便可檢查,其準確率高達87%,可信嗎? (我打算7天驗一次,21天驗一次,42天驗一次,56天到醫院檢驗)
3.要是萬一收到感染,想請問香港有什麼地方可以進行進一步的治療和補救?

色迷心竅,下次不敢了,希望平安無事。

十分感謝你的閱讀和解答

另外還想問,潤滑液的使用會增加還是減少感染性病的機會呢?

假如體液(陰道分泌物)和潤滑液混合在一起的情況下,還會有傳染能力嗎,還是會被潤滑液殺死/失去活性

十分感謝

hello 你好啊 :smiley:,以下將會一個一個解答你嘅問題:

  1. 依照你分享嘅情況,你感染嘅性病嘅機會都相對上比較輕微。感染性病嘅前提喺,確認對方攜帶性病。但性工作者為咗工作同自己嘅身體健康,會更加注意安全,會主動要求要使用安全措施,亦會恆常地進行測試。性病嘅傳染方式喺身體比較薄嘅黏膜組織,例如肛門、口腔、陰道,接觸到比較高風險嘅體液,例如如精液、腸液、尿道球腺分泌(Pre-cum)、陰道分泌、血液,至會有比較高嘅感染風險。所以依照你分享嘅情況,冇體液嘅交換、雙方嘅體液冇接觸到開放性傷口(例如淌血傷口),沒有插入性行為,感染嘅機會都比較微。

  2. / 3.(因為呢兩題都比較有關聯,所以一齊答) 的確,市面上都有唔少嘅7日快速測試,可以進行檢測。因為唔太了解你提到「第四代試紙」喺咩醫療服務或者醫療產品,所以都比較難判斷呢種試紙嘅準確度喺咪有質素嘅保證。都建議你可以去具規模、又或者有信譽嘅醫療組織嚟完成測試

一般而言,需要等到性接觸發生後14日就可以測試。但喺唔同嘅性傳染疾病,有唔同時間長短嘅空窗期。空窗期喺指「由身體感染咗性病後,身體內嘅病毒量可被醫學檢測嘅水平」。唔同機構/私家診所都會提供比較高敏性嘅測試,可以喺性行為後過咗14日之後,即喺第15日就可以完成個快速測試,得出初步嘅結果。除咗快速測試之外,一段都需要等到性接觸後3個月再進行檢查,咁樣就可以得出比較準確同可靠嘅結果。如果你真喺擔心同焦慮,都不妨可以考慮一下進行快速測試。社會衛生科、唔同NGO、私家診所、化驗所都會提供相關嘅服務,以下都有少少例子,你可以參考一下有冇需要聯絡佢地:

社會衛生科:衞生署-診所及健康中心一覽表-提供社會衞生科(男性)服務的診所

關懷愛滋:https://aidsconcern.org.hk/zh/

   4.潤滑液喺唔會減低性病嘅感染風險,因為潤滑液嘅成份唔會殺滅到性病病毒,所以過程中有/ 冇使用到潤滑液,喺唔會影響到感染性病風險。

謝謝你的回復,令我稍微安心了一點,不過還是會堅持做檢測,保障自己及以後的性伴侶。

我想請問怎樣才算體液交換,因為我在摩擦時很有可能觸碰到性工作者的外陰唇部分,據我所知,這些部分也有機會會有女性的分泌物,如果龜頭接觸到這些分泌物,又算不算有體液交換呢?主要是想了解女性外陰分泌物跟陰道分泌物是否為同一樣東西。

另外還想了解關於量的問題,我看過一些資料,性病特別是艾滋病是需要接觸到一定的病毒量才有機會受到感染,那如果是在外陰接觸到的分泌液(加上潤滑液)的病毒量又足不足夠令人感染呢?

再次感謝糖不甩工作人員的回復

Hello @Mr.Wrong :blush: 欣賞你會堅持做檢測,對自己及未來的性行為對象都有保障 :relaxed: :heart:

好多性病病毒(例如HIV病毒)係能夠透過血液及體液傳播。一般情況下,如果雙方係無做任何安全措施,而其中一方手上有流緊血嘅傷口,又接觸到分泌物的話,係有機會傳播到性病病毒嘅~

女性外陰本身並無分泌物,你所指的外陰分泌物,有機會係一樣從陰道分泌出的巴氏腺液 。性興奮嘅時候,女性巴氏腺(Bartholin‘s Gland)會分泌出液體,作潤滑作用,係透明或者純白色。而摩擦期間,有機會流出至陰唇或外陰部分 :wink: 不過正如 @Claire_StickyRiceLove 所講,依照你分享嘅情況,雙方嘅體液冇接觸到開放性傷口(例如淌血傷口),沒有插入性行為,只係摩擦性器官,感染嘅機會都比較微。所以無需太擔心 :blush:

始終有時我地都好難預料性行為嘅過程間,會唔會因為摩擦力度太強,令雙方嘅身體部位(例如口、陰莖、陰道、肛門)有機會出現微細嘅傷口,令病毒有機會傳播得到。所以一般我地都會建議番發生任何類型嘅性接觸,都使用番阻隔式嘅安全措施,咁就可以減低性病傳播嘅風險~ 特別係當性病病毒存在於血液/體液之中的話,係唔能夠穿過阻隔式安全措施(例如口交膜、指險套、安全套)嘅常見製作物料(橡膠)。所以下次如果使用番呢類安全措施,就能夠有效阻隔到呢類性病病毒嘅傳播 :relaxed:

而有關病毒量方面,部分性病病毒(例如愛滋病病毒)確實需要血液 / 體液內含有一定程度的病毒量,能夠被檢測到,才會具傳染力傳染到其他人身上。感染者血液內的病毒量是否能被檢測,具傳播力,則視乎對方有沒有持續服用藥物 / 接受治療,去控制體內的病毒量。當血液中持續測不到病毒量一段時間時,就不會透過性行為的途徑傳染給他人 :blush:。而你所問到,性行為時接觸到的分泌物會否令人感染,一般情況下正如上文所講,如果雙方係無做任何安全措施,而身體部位有流緊血嘅傷口,病毒依然係有機會傳播。