遲黎m ,擔心懷孕

你好。
早2星期排卵期有同partner 性行為。
我地3年黎都係好安全既。進行前有帶好condom, 係入面射,亦都有立即小心抽出,但無細心檢查有冇穿破(穿破意思係咪直頭入面無哂精液?)但lap眼見到入面有精液就無特別理,如常清洗。

我10多年來黎m 都好準,個range 大概係25-28日。最遲都只係試過31日黎m 。今日已經係30日,上次係26/8黎m, 正常就22/9 就會再黎。而家遲左2日就好擔心。我25/8打左第二針復必泰,打完針食過幾日Panadol, 呢一個月有小小精神緊張,但一路以黎就算工作有壓力/訓得唔好都唔會遲過31日黎m。
排卵期間有白帶,黎前又有谷胸脹既感覺,有黎m 前既狀況。

唔知疫苗會唔會有影響經期?
我問過朋友 ,有d fd 有影響有啲無。
好擔心丫:pleading_face::pleading_face::pleading_face:

Hello @Mary0630 :relaxed: :wave:t2: 首先好欣賞你同partner一直都有戴好安全套,一方面可以有效減低懷孕嘅風險,另一方面亦避免性病傳播嘅機會 :relaxed: :+1:t2: 如果你地早兩星期嘅性行為整個過程都有戴好安全套,安全套無穿或漏嘅話,咁果次性行為導致嘅懷孕風險係好低嘅。

疫苗影響方面,外國暫時普遍黎講都有指出注射疫苗,有機會對月經週期產生影響 ,原因係子宮內膜內都含有免疫細胞,注射疫苗有機會令子宮內膜內嘅免疫細胞有反應,有機會延遲月經週期。所以暫時月經遲左4日都無需太擔心住 :smiling_face_with_three_hearts: 加上最近生活上情緒有起伏,亦確實有機會影響到月經來遲嘅情況啊。

不過如果好擔心的話,依家如果已經夠性行為11日後,都可以考慮進行驗孕,讓自己放心D。因為一般受精卵著床需要6-9日,所以性行為7日後驗孕已經可以有一個初步嘅驗孕結果,而性行為11日後驗孕,就會較準確及可靠 :blush: