我同男朋友上星期做左第一次，全程有戴套，完事之後有檢查過個套無穿無爛。
之後今個星期二本身會M COME但係無黎到。
星期三朝早開始係有少少流啡，去完小便用紙巾清潔下體個時先見到的。本身諗住可能普通遲一兩日就無理到，當日再同男朋友做左一次，都係全程有戴套，做完之後都有檢查過無事。
去到今日仲未正經黎M，淨係流啡，不過個量係多過琴日。
雖然平時M COME前一日都會有呢個情況，但係今次黎到流啡第二日都未正式M COME，加上已經黎到Cycle嘅29日（平時係24-28日），但仲未黎，有啲擔心會唔會有左BB
Hello @Zoezoehk 
如果你地上星期嘅性行為整個過程都有戴好安全套，事後都檢查過安全套無穿無爛的話，咁果次性行為導致嘅懷孕風險係好低嘅，無需太擔心啊 
月經來遲都有好多原因引起，例如最近生病有服藥（特別係抗生素）、情緒有起伏、壓力過大、生活作息唔定時、飲食唔規律 等。所以如果最近身體都有經歷以上嘅情況，都有機會導致月經來遲啊，加上月經暫時只係遲左幾日，都無需太擔心 
。
最後如果呢幾日都開始出現流啡，都有機會係來經徵兆，可以耐心等待一下先。