咁樣係咪有咗

8月30號同男朋友玩過,佢有用手幫我,但是冇插入,中問有坐喺佢肚上面(我同佢都冇著褲),但係唔知有冇掂到佢下面,最後我幫佢用手打咗出嚟(打嗰陣已經著返衫)
上Google 睇咗好多文,都話一定要有插入先會有,但係我都仲好驚

本身我M 都唔係好規律,但係我對上一次係8月16號嚟,到而家都未嚟,尋日去咗萬X,買咗驗孕棒嚟驗,佢話係冇嘅、但係到而家都仲未嚟M 有啲驚:crying_cat_face:
同埋 我已經谷M成個星期都仲未嚟,又腰痛又胸脹,好驚係嗰啲早期懷孕、因為真係好似

同埋9月12號打咗針,唔知關唔關事

見你喺其他post都有問類似嘅問題,詳細嘅回應可以睇返(好驚有咗,但係我仲係處 - #6 by Claire_StickyRiceLove ),希望可以解答你嘅疑慮。如果仲有其他問題,歡迎你隨時再問我哋呀! :smiling_face_with_three_hearts:

正如另外一個post入面Claire所講,你哋嘅性接觸當中性器官冇接觸,陰莖分泌物亦冇接觸到陰道/陰道口,理論上懷孕風險係好低嘅。如果你之後再發生性接觸,即使唔係發生陰道陰莖插入式嘅性行為,都可以考慮使用安全套,咁就可以避免陰莖分泌物(尿道球腺液同精液)意外地接觸到陰道/陰道口。 :wink:

而驗孕結果方面,如果距離你最後一次性接觸過咗11日,而你有正確咁使用驗孕棒,咁個驗孕結果係好準確可靠嘅。 :relaxed:

月經呢個問題,我哋都解釋咗,月經係會受好多唔同因素影響。每人每次月經嘅情況都有機會唔同,即使你平時嘅月經週期都好規律,都唔代表下次一定會好「準時」。再加上你有打針,對於身體有影響,月經可能都因此同平時好唔同(的確有唔少個案分享,打完疫苗之後月經週期長度、流血量、流血日數、經痛程度等等情況都有可能受到影響 :confounded:)。

嘗試放鬆下心情,耐心等待下,月經會出現嘅。 :wink: