係咪基本上唔中?

9月9同男朋友做完,一開始冇戴套,插咗幾吓就戴返套,自己都有食避孕藥(唔係吓吓準時,但一唔記得咗就會即刻補食),之前用驗孕棒check過(過咗一星期),3次都話冇,咁其實係咪唔使再擔心自己係咪有咗㗎吶?

hello 你好啊 :smiley:,如果你跟足驗棒嘅指示驗孕3次,最後都得出 negative 嘅結果,其實都可以安心相信驗孕棒嘅結果。驗孕棒都準確度都有97%-99%。原理喺透過驗測尿液中嘅HCG (人絨毛膜促性腺激素) 含量嚟判斷有冇懷孕。只有受精卵成功著床嘅女性身體先會會開始分泌HCG,精子著床時間通常需要6-9日,所以性行為發生後7日驗孕,可以得出初步結果,而11日驗孕可以得出準確同初步嘅結果。所以如果你喺9月9 日同男朋友發生性行為,如果喺16日或 20日 之後驗孕,得出嘅結果都喺可靠準確嘅。

另外,都想提一提你,如果下次同伴侶發生親密行為,都可以全程使用安全套。因為男性喺性興奮嘅時候,陰莖流於少量嘅泌出尿道球腺液,當中都會含有少量精子。所以如果你發生性行為時候,全程使用安全套,就更加穩陣。至於服用避孕藥,都想了解你一向服用嘅避孕藥屬於單一荷爾蒙、定還是混合荷爾蒙?同埋到目前為止,服藥嘅時間有幾耐?如果你服用嘅喺單一荷爾蒙避孕藥,時限上相對而言都唔算太嚴謹,所遲咗服藥一、兩個鐘並唔會影響藥效,同埋根據Yaz官網嘅資料,如果有喺24小時內補服嘅話,都唔會影響藥效嘅。同埋如果你已經服用咗事前避孕藥一般時間,例如3-6月或以上,又冇出現嚴重嘅副作用嘅話,其實意外懷孕嘅風險都唔太,可以放心。正如同上面所講,如果全程都使用安全套,就更加穩陣~

最後,都想補充少少,事前避孕藥本身嘅避孕成效都比較高,喺完美使用下成效喺99.5-99.7%,喺平常使用下成效喺 91-92%。如果你想進一步提升避孕成效,都可以配合翻多種嘅避孕措施嚟使用,就例如你同伴侶發生性行為嘅時候,都有使用男用安全套,同時你都服用事前避除藥一樣。但喺冇一種避孕方法嚟可以完全100% 避孕,例如男用安全套都有機會喺發生性行為嘅時候破損、又或者唔正確咁使用安全套、漏服事前避孕藥超過12小時等等。所以如果配搭唔同避孕方法,避孕成效會進一步提升,但並唔能夠完全100% 保證成功避孕。希望可以解答到你。