好驚有咗,但係我仲係處

8月30號同男朋友玩過,佢有用手幫我,但是冇插入,中問有坐喺佢肚上面(我同佢都冇著褲),但係唔知有冇掂到佢下面,最後我幫佢用手打咗出嚟(打嗰陣已經著返衫)
上Google 睇咗好多文,都話一定要有插入先會有,但係我都仲好驚

本身我M 都唔係好規律,但係我對上一次係8月16號嚟,到而家都未嚟,尋日去咗萬X,買咗驗孕棒嚟驗,佢話係冇嘅、但係到而家都仲未嚟M 有啲驚

同埋 我已經谷M成個星期都仲未嚟,又腰痛又胸脹,好驚係嗰啲早期懷孕、因為真係好似,又唔知關唔關打針事 因為9月12號打咗針

聽聞打針係有影響,但唔肯定。其實嚟m唔係下下exactly 28日就嚟,我平時都係喺上次第一日嚟m嘅日子 + 1~2日(個時間大概係一個月咁),你最近壓力大咗都有機會遲,你驗嘅日子係做完7日之後驗?咁樣嘅話嗰結果係準好多

1個讚

我8月30號做,9月23號驗,都過咗一個月了,不過我唔係用晨尿驗,唔知有冇關係,我驗咗兩次都係一條線

如果過咗一個月都驗唔到就一定冇事㗎吶,因為你過咗一個月其實啲精子同卵子要結合就已經結合咗,同埋已經去到一個胚胎咁,你雖然唔係用晨尿,但過咗一個月先check都係話冇嘅就唔使擔心,胸脹呢個好似排卵期就會出現(?),所以你應該就嚟嚟m(?)

唔該晒啊:pleading_face:

hello 你好啊 :smiley:,因為見到尋日同今日嘅post查詢嘅問題都好類似,所以會集中喺呢個post 回應。依照你分享嘅情況,意外懷孕嘅風險都相對上比較輕微。首先你同男朋友發生嘅性行為,並冇令到精子接觸到陰道。如果單統地用手幫男朋友自慰,因而導致意外懷孕嘅可能性都比較微。唯獨喺「坐咗落肚上面」呢點,可能你嘅意思喺唔太肯定對方嘅精液或者尿道球腺液有冇接觸到陰道? 因為男性喺性興奮嘅時候,陰莖流於少量嘅泌出尿道球腺液,當中都會含有少量精子。所以如果你發生性行為時候,全程使用安全套,就更加穩陣啦。

都想提醒翻一點,如果你同伴侶將來都想發生更進一步嘅親密行為,又未冇計劃生育,其實都可以討論會唔會嘗試唔同嘅避孕方法,例於男用安全套,荷爾蒙避孕方法,包括服用事前避孕藥、避孕針等等減低意外懷孕嘅風險。

有關於經期嘅疑問,經期本身受好多內在同外在因素影響近期生活或飲食習慣嘅轉變、情緒持續擔心同焦慮等等。都想同你解釋,經期受好多唔同因素影響,所以就算以往嘅經期準時,都唔代表嚟緊嘅經期準時。經期嘅日子都有機會唔穩定同浮動。所以未嚟經期,都可以喺好多因素下影響嘅結果,未必因為懷孕。唔能夠單憑經期未嚟嘅症狀,就可以判斷自己有/ 冇懷孕,而你都分享單期懷孕同經期先兆會出現嘅症狀其實好相近,所以最準確嘅方式,都喺使用驗孕棒。你都分享咗今日驗孕,得出嘅結果都喺negative。只要喺過程中跟足驗孕棒嘅指示,就可以安心相信驗孕結果。驗孕棒都準確度都有97%-99%。原理喺透過驗測尿液中嘅HCG (人絨毛膜促性腺激素) 含量嚟判斷有冇懷孕。性行為發生後7日驗孕,可以得出初步結果;11日驗孕,可以得出準確同可靠嘅結果。

而都想了解打咗針嘅意思喺咪打咗疫苗?的確有一啲人打完疫苗之後月經會受到影響 :persevere:(參考資料:Covid vaccine: Period changes could be a short-term side effect - BBC News 7 ),不過每個人嘅身體狀況都唔同,身體反應情況都會因人而異。希望可以解答到你。