因為我自己太過敏感,所以我想延長前戲嘅時間,滿足咗女朋友先,之後先至再進行插入式性行為
我想問下用口同埋用手應該要點做先可以令到女仔高潮
你好呀 @itisbeingused
好欣賞你會主動咁學習有關前戲嘅知識,要知道點樣可以令伴侶高潮,但係都好想知道你覺得「高潮」嘅定義係點樣架?
因為每個人嘅高潮反應都唔一樣架,有啲人會內斂啲,有啲人會豪放啲,最好都係每次都同伴侶溝通下,呢次性行為嘅方式係咪都覺得舒服,有無啲咩需要多啲,力度要唔要輕或者重啲。有可能傾完先發覺,原本嘅方式已經好足夠,唔洗特登再用新嘅方式。
有啲人會覺得高潮一定要有某啲特徵,例如潮吹或者大叫,但其實每個人體質同性格都唔一樣,未必個個都會有相同反應架。
不過都可以同你分享一啲陰部比較容易受到刺激嘅地方同方法。
首先要知道伴侶邊度比較敏感。先講陰部普遍嚟講最敏感嘅地方,就係陰蒂啦。陰蒂係小陰唇最頂頂嘅位置,通常會俾陰蒂包皮包住,你可以試下用手指由陰道口開始向腹部慢慢向上摸,摸到小陰唇最頂嘅位置,拉開陰蒂包皮,就會露出粉紅色陰蒂。通常刺激呢個位置,因為有好多神經末梢,所以女仔會好容易就感受到快感。不過一開始無咩性經驗嘅時候,建議你隔住陰蒂包皮撫摸,因為太刺激係會覺得痛架,同埋記住要放輕手腳呀。最好就配合埋潤滑劑一齊用啦,一嚟可以減低摩擦力,減少痛嘅風險;二嚟可以保護皮膚,避免因為太乾而磨損。
手法就有幾種嘅,可以用一隻手指左右、上下摩擦,亦都可以打圈。亦都可以用兩隻手指輕輕夾住陰蒂兩邊,然後輪流上下摩擦。要記住,除咗陰蒂之外,都要撫摸下大小陰唇,特別係小陰唇,因為當女仔興奮嘅時候,小陰唇都好敏感架。
用口嘅方式其實都大同小異,都係以刺激陰蒂為主。通常都係用舌頭係陰蒂附近打圈,又或者舔陰蒂為主,當然你都可以選擇左右上下移動嘅方式。
有啲女性係陰道裡面會有個叫G點嘅嘢,但對於呢個G點,其實係學術上都依然好有爭議,未必真係個個都會有,而且型態同位置都未必一樣,但係你可以試下去搵下,睇下會唔會都可以俾到伴侶另外一種刺激。
位置就係你伸手入陰道裡面,大概2節半手指嘅位置,你會摸到一個表面好粗糙、好似有粒粒、凹凹凸凸嘅物體,只要不停按壓佢就會有快感,不過要令G點有快感係需要至少5分鐘嘅時間去按壓先可以嘅。記住,G點都係要你有性興奮先可以好容易摸得到,所以大前提都係先按摩陰蒂,令伴侶進入狀態先可以容易啲搵到G點架。同埋要慢慢嚟,唔好一嚟就好大力,慢慢試探下,如果伴侶覺得OK,再加大力度。
除咗以上嘅方式之外,都有其他方式嘅,例如dirty talk、親吻、愛撫等等,你可以參考我哋嘅文章: Redirecting...
當然,除咗手同口之外,都可以同伴侶傾下,會唔會試下用性玩具,都可以參考下我哋另外一篇講性玩具嘅文章: Redirecting...
希望可以幫到你啦。
唔該晒
其實就冇話特登去define點先算高潮
每個人身體都唔同
總之女朋友舒服就得
hello 你好啊 ,你講得冇錯啊,kaleo以上講嘅都喺可行嘅方向,但喺唔同身體都有唔同嘅敏感嘅地方,你都可以同伴侶一同探索,好開心可以幫到你地。