好驚有性病,好後悔

我9月頭有去一次邪骨,內容包括按摩同打飛機,並沒有口交同性交,但有用手指摸過性工作者既外陰部,沒有指插,但我有經常拔倒刺的習慣,當時摸她的外陰部時的手指剛剛就拔完倒刺,加上摸到她有一點分泌液,我手指沒有流血,但好似有滲出液,因為去沖涼時按壓手指會有刺痛,所以好驚會有性病,現在已經戒掉去邪骨這習慣,但經常會想起呢件事,不停上網查資料,有些說會中招,有些又說不會,現在好後悔,更想過自殺,想知道自己中性病(由其是hiv、梅毒)的機會大嗎?

Hello @Chris1 :blush: :wave:t2:

常見例如愛滋病病毒 (或稱HIV病毒)傳播方式,包括:(1)性接觸傳播 ,經由體液傳播(例如無隔阻/保護嘅陰道交、口交、肛交);(2)血液接觸傳播 ,例如共用針筒;(3)母嬰感染

暫時如果9月初嘅接觸,當時手上有機會有開放性傷口,而傷口亦有接觸到對方嘅體液,確實性病病毒有機會透過當時嘅接觸,而傳播得到。不過對比一般插入式性行為,有直接插入陰道嘅風險,感染嘅機會都係比較低。始終個傷口都比較細亦無流血,而對方分泌物嘅量都比較少,即使當中有病毒,病毒含量都會比較少。

有關愛滋病病毒及梅毒的治療方面,暫時除左愛滋病病毒現時未有醫療方式,能夠永久根治(但以現時科技已經可以做到藥物控制病情及避免傳染HIV病毒比伴侶),及由HPV病毒引起嘅性病疣(俗稱椰菜花)亦未能永久100%根治(現時有冷凍治療等方式治療)外,其他性病均能透過及早求醫方式去根治,希望可以讓你放心少少先 :relaxed:

依家可以補救而又最實際有效嘅方式,係建議你去做番個免費嘅性病測試
可以考慮以下機構:
:point_right:t2:政府社會衛生科服務診所:各類型性病檢查(較全面:+1:t2:,能即時知結果及比藥:pill:
:point_right:t2:關懷愛滋:25歲或以下青少年、男男性接觸者-愛滋滋病病毒/梅毒/淋病/衣原體/丙型肝炎
:point_right:t2:香港愛滋病基金會:愛滋病病毒/梅毒/丙型肝炎
:point_right:t2:再思社區健康組織 (C.H.O.I.C.E.) :愛滋病病毒/梅毒

可以待空窗期後,再到以上機構做相關嘅性病檢查。一般指嘅空窗期,係指患者受愛滋病病毒感染,直至愛滋病病毒抗體測試檢驗出抗體嘅果段時間。一般以三個月為準。受愛滋病病毒感染嘅人,假如系「空窗期」內接受愛滋病病毒抗體測試,測試結果有可能會呈陰性反應(因為未檢驗到抗體),但體內卻帶有愛滋病病毒,係能夠傳染到比其他人。建議番性行為後90日之後(90日過程中唔能夠發生任何性行為/性接觸),先去做愛滋病病毒抗體測試,咁先可以得到最準確嘅結果。梅毒亦有潛伏期(約10-90日),所以建議番性接觸/性行為發生後90日一次過去以上嘅機構做相關嘅性病檢查。

不過依家真係好擔心的話,其實部分愛滋病病毒及梅毒測試係可以系較早階段已經可以驗出部分病毒感染結果 :pleading_face: :heart:。計番依家距離該次接觸已經大概有一個月,可以考慮直接先去私家診所/化驗所抽血驗「梅毒螺旋菌(TP)抗體測試」(能有效檢測4星期或之前的梅毒感染)、「梅毒血清抗體測試(VDRL)」(用黎確認梅毒感染),及「愛滋病病毒 p24抗原和抗體組合檢測」(能有效檢測21日之前的愛滋病病毒感染)。不過愛滋病病毒測試,最準確最詳盡都係90日後嘅抗體測試結果。詳情可以留意番以上機構測試資訊。

希望以上內容可以幫到你/減低你嘅憂慮啦:relaxed: 最後,有感染性病風險嘅前提係對方係性病患者,而性病同年齡、職業、性別並無關係嘅,所以性工作者並唔一定係性病患者,無需太擔心啊 :blush:

即係我現在感染性病的機會好微?

其實最驚都係hiv,想問下我呢個情況是否有機會,但機率好低好低,感謝你們:pray:t2:

無錯,就今次嘅情況,確實有感染嘅機會,但係因為本身傷口較細並無流血,及接觸到對方嘅分泌物量較少,所以感染嘅機會較低 :blush:

擔心的話,都建議之後去做個性病測試,讓自己及未來親密接觸嘅對象可以放心 :relaxed:

好感謝你們解答我問題,問埋最後一個問題,是否即是自己是安全的,沒有事,但如果心裡感到不安,可以去做一次測試。感謝

會唔會導致性病傳播係只能夠根據性行為嘅方式同有冇做安全措施去判斷風險嘅高低,但呢個高低並唔等於「一定會」或者「一定唔會」。即使係完全無使用安全措施嘅性行為黨代表一定會導致性病傳播,只係風險會比較高。所以你問今次嘅性行為係咪完全安全(意即完全無風險導致性病感染的話),咁答案係「否」-感染風險比較低,但唔代表完全無機會。

唯一可以確認自己有冇受感染嘅方法係去進行測試,好似 @Sze_StickyRiceLove 前面所講,坊間有唔少有提供測試嘅地方,佢哋所使用嘅測試工具同收費同唔一樣。可以選擇適合自己空窗期嘅測試,如果有疑問都可以向相關機構查詢自己係咪適合佢哋嘅測試方案。

想問下你最後檢查完係咪冇事?因為我情況同你好似,依加好擔心

Hello~我已經係另一個poster覆咗你啦!因為每個人使用性服務嘅經歷都唔同。所以如果你擔心嘅話,可以開個一個新嘅post詳細講吓你嘅情況,我哋會盡快覆返你🫶🏻