是咁的，呢個問題困擾左我好耐，我由一年前開始下體陰毛位置開始痕癢，生一粒粒嘅瘡，有時可以節出嚟，係白色嘅液體，之前我係著三角褲，開始痕癢之後，就轉咗去著闊身四角褲，佢就停咗一排，之後又繼續，我以為我沖涼衝得唔夠乾淨，我就特登重點洗下體，但係情況冇改善到，究竟係發生咗啲咩事？
Hello @Zero 
首先一般情況下，如果下體出現痕癢情況，而情況都讓你感到困擾的話，建議先及早求醫。透過醫生嘅診斷及評估，對症下藥，有助情況及早改善。
暫時嘅情況，見你都有提及粒粒有時可以擠出白色嘅液體，相信較大機會係油脂粒或者毛囊炎。其實陰部嘅皮膚，同我地其他地方嘅皮膚一樣，都有機會因為皮脂腺阻塞，出現陰部毛囊炎，生類似暗瘡嘅粒狀物
出現呢啲發炎嘅原因，大多數係因為炎熱潮濕天氣、內褲唔夠透氣、清潔不足／過度清潔、剃毛時太貼近毛孔以致刮傷皮膚、或者係皮脂分泌太旺盛以致堵塞毛囊。
所以要減低毛囊炎嘅出現，可以嘗試：
1）多著棉質內褲，選擇合適尺寸嘅內褲，以保持下體通爽。
2）保持下體清潔，但要緊記陰部皮膚幼嫩及敏感，切勿過度/大力清潔，因為有機會引致皮膚受損或者乾燥。亦要避免使用含較多刺激成分嘅沐浴乳，因為有機會影響性器官天然嘅pH值，容易引起感染。可先嘗試轉用較溫和嘅沐浴露。所以清洗下體時，溫柔地翻開包皮，用清水清洗就已經好足夠。
3）避免用含有過多化學物嘅清潔液去清洗內褲。
4）如果本身有剃陰毛嘅習慣，記得剃毛前需清洗乾淨剃刀，亦要避免太貼近毛孔，導致刮傷皮膚。
5）切記唔好擠壓D瘡，因為有機會造成傷口，容易引發感染令情況惡化。
如果下體陰毛位置痕癢情況唔改善，相信都會好影響你嘅日常生活，繼續困擾落去 
。透過及早求醫，有助阻止情況惡化，同埋及早進行治療，舒緩現況啊 。