避孕藥遲食

食左避孕藥差唔多一年,本身星期一食最後一粒,但我星期二先記得食,咁我下個月係幾時開藥?
同埋會唔會影響避孕效果

hello 你好啊 :smiling_face_with_three_hearts:你已經服用避孕藥一年,如果身體冇咩唔舒服或者副作用,咁你嘅身體應該已經適應咗藥物,產生比較穩定嘅避孕嘅效果。所以回應翻避孕效果嘅問題,漏服一日唔會太影響避孕效果。都想了解你服用嘅避孕藥嘅牌子?因為牌子唔一樣,漏服時限都唔一樣,某d牌子喺12小時,某d牌子喺24小時,下次如果有類似嘅情況,都可以睇翻相關嘅說明書。如果你服用開嘅藥物,漏服時限喺24小時,可能你星期二補食都喺漏服時限都唔一定,如果喺呢個情況,就唔會影響避孕效果。 :innocent:

而另一個問題關於幾時開藥,都建議可以繼續如常咁服用新一盒嘅避孕藥,無需停藥。因為近期漏服一日,你都有持續一年地服用避孕藥,身體都建立咗一定嘅藥效。所以可以如常地開新一盒避孕藥服用。但喺始終都漏服咗一日,如果呢幾日都想進行性行為,都建議使用安全套,到服用新一盒避孕藥嘅第7日果日為止。同時都要有心理準備,因為漏服嘅問題,都影響經期,未必會完全同以往嘅經期一樣~

如果喺漏服避孕藥嘅時候,你有發生親密行為,又擔心有意外懷孕風險,你可以自行驗孕,通常性行為後7日會有初步結果,而11日後會有比較準確嘅結果。當中嘅原理喺透過檢驗人體裡面嘅hCG水平,如果受精卵成功著床,就會分泌呢種孕激素。而你都可以download 坊間提醒事前避孕藥嘅App,或每日較定鬧鐘提醒自己服藥,避免漏服嘅意外再一次發生。 :orange_heart:

最後都想提醒翻少少,如果你決定未來都持續服用事前避孕藥,可以每年覆診。因為年紀嘅增長、又或者其他因素,身體嘅情況可能同之前都會唔一樣,可以由醫生去判斷有冇轉藥嘅需要,咁就更加穩妥。希望可以解答到你。