本人(14歲)未拍過拖，只是好奇想問下，想認識下！
性只是一段關係中的其中一部分，即使沒了性，一段關係也可以透過其他方式維繫 
至於怎樣可以戒除自慰，則是靠意志力的哦，比如說想自慰時就找其他事做，例如做運動，令自己自慰的意欲減退
2個讚
請問你是男生還是女生？
為甚麼會對戀愛和性的關係提出這樣的疑問？ 
- 唔一定~
- 自慰係正常生理需要, 只要唔係太密就無問題~ 唔洗話一定要停晒.
其實只要做多啲運動, 生活充實啲, 少啲空閒時間, 自然就會少諗呢啲嘢~
2個讚
我系男性！
因為我想帝日嘗試下無性既戀愛😄
你清楚自己想要咩真係好好啊！好多人都係有維持冇性的愛情關係，一來可能係宗教原因，二來就係自己的選擇。
點解你有呢個想法？
1個讚
又無需要迫自己去奉行柏拉圖式戀愛, 因為性都係雙方感情關係嘅其中一部份。而且要咁樣做, 亦都要得到另一半的同意和共同實行先得。你仲係比較細個, 先處理好自己情慾同埋同異性相處先, 之後先再考慮將來的戀愛同性愛態度。以普遍男性黎講要同異性有柏拉圖式關係, 係比較困難嘅。
3個讚
我信基督教！其實我吾只有自慰既煩惱，仲有好多其他性既煩惱，由細細個開始到依加，都對性產生好奇，令我更多疑問！想不到答案時，就開始想嘗試行動！連訓教，洗澡都會不停地聯想，只要有有空檔時間就會諗到！唉～真系好想脫離性煩惱，更專注學習！！
首先唔理係咩野宗教信徙都好, 青春期開始對性好奇係好正常嘅事。有空間有時間去胡思亂想都係青春期嘅其中一個表現, 而一個人有性幻想都係正常嘅。
其實你心入面有咩野疑問, 不妨寫上黎等大家幫你釋疑吧。
1個讚
係呀 好奇係好正常嘅事 過度迫自己唔好諗可能仲辛苦 同埋會愈想諗 唔洗因為自己對性好奇而驚 反而用平常心認識性 可能仲好呢
2個讚