避孕藥yaz食多左粒

Hello,食左yaz已經七八年,今晚(6/10)本應食新一排藥既第一粒(活性),但發現已經食左,我唔肯定係早幾日邊日食非活性既晚上唔小心食多左粒 (肯定係呢兩三晚 3-6/10 其中一晚食多,因三日前買)。

想請問今晚6/10應唔應該食本應係7/10食既藥呢?下一粒應該幾時食,之後又應該成排藥食早一日丫,還是點安排呢?

1/10有性行為,冇安全套,之前一直準時食足,現在來經第2日,請問有機會懷孕嗎?謝謝解答

每晚11pm食藥,發現左食多左後到而家都未食7/10既藥(即遲左4小時),如果要食返原本7/10嘅藥,請問係盡快食定係等11pm呢?

請求盡快解答如果要即食可以趕到24小時當漏服:sweat_smile::pray::pray::pray:感謝

唔好意思又有補充:sweat_smile: 我印象中冇跳過次序食,即係最大可能係有日食非藥性時,食多左粒非藥性,再順延,到尋日5/10就開左新一排,食左本身今日先開既第一粒 (非藥性由本身四日變左做三日,早左日開新一排)

hello 你好啊 :innocent:,首先回應咗幾時服用新藥丸呢個問題先。如果你已經服用咗避孕藥7-8年,都喺比較長嘅時間,當中又無出現太嚴重嘅副作用,代表身體都建立咗一定嘅藥效。所以你可以照服用新一盒避孕藥,就藥效而言唔會有太多影響。不過始終你嘅服藥週期因為其中一日食多咗一粒藥而由28日變做27日,可能會影響經期嘅。但喺你都分享到今日已經喺來經第二日,所以今次服用多於一粒避孕藥都唔會對身體有太大影響。而今日需唔需要食藥,其實照樣食翻今日11pm 原本服用嘅藥丸就可以。因為你嘅情況,冇漏服有活性成分嘅藥丸,所以唔會影響避孕功效。反而早咗服用藥丸有機會影響到經期,但喺正如你分享到已經來經。所以今次食多咗粒避孕丸嘅影響不大,唔需要skip,又或者提早服用,只需要繼續服藥就可以唔需要太擔心。

而第二個問題喺關於意外懷孕嘅風險。而就你嘅情況嚟講,其實懷孕嘅風險好微,一來你已經來經,代表精子並無成功喺子宮著床,二來你已經服用避孕藥較長時間,身體已經建立同適應避孕藥嘅藥效。所以意外懷孕嘅風險無需要太擔心,但喺如果下一次再出現同樣嘅情況,又超過漏服時限,就建議你食下一包藥嘅頭7日發生性行為嘅時候用額外嘅安全措施,進一步防範意外懷孕嘅風險。

最後都補充少少,建議服用事前避孕藥後每年都可以去覆診,因為身體情況隨好多因素轉變,以往合適服用嘅避孕藥,唔代表將來都適合服用,所以建議每年可以搵醫生覆診,由醫生判斷身體情況,同埋有冇轉藥嘅需要。 :innocent:

謝謝用心解答:pray::relaxed:

1個讚