我本身有食開避孕藥差唔多一年，經期完之後大約一個星期有出血嘅情況，係啡色嘅，之前其實已經試過兩三次一樣嘅情況，係確診為子宮發炎，今個月又再有一樣嘅情況
請問壓力會有關係嗎？會否有咗？同埋會唔會係因為食得太多甜嘢
唔該曬
hello 你好啊 
，首先想了解一下你喺服用事前避孕藥之前，有冇問問醫生嘅建議？一般而言，都會建議第一次服藥之前必須諮詢醫生嘅意見，等醫生評估你嘅體質／生活習慣，係咪適合服用避孕藥，或者適合服用邊一個牌子／款式嘅避孕藥。因為每個牌子／款式嘅避孕藥內含有嘅荷爾蒙類型同埋劑量都會有唔同 ，有機會某部分避孕藥唔適合你嘅體質，係有機會引致嚴重嘅副作用。 避孕藥亦並非每個人都適合服用 ，一般常見唔適合食藥嘅情況，例如有心血管疾病、不規律陰道出血、體重過高等。而穩定服藥習慣之後，都建議每年覆診，因為身體隨時間或其氣因素轉變，以往合適服用嘅避孕藥，唔代表將來都適合服用，所以建議每年可以搵醫生覆診，由醫生判斷身體情況，同埋有冇轉藥嘅需要。
關於懷孕風險嘅問題，如果你都有定時服用避孕藥，又冇嚴重嘅痾嘔情況，都代表身體建立避孕功效。又或者你都擔出呢幾次嘅流啡喺懷孕後嘅著床性出血。著床性出血係指當受精卵着床喺子宮壁嘅時候有機會造成嘅少量出血，通常只會有幾滴或者最多一塊護墊可以承載到嘅血量，而且係一次性，唔會持續地出血幾日，而着床性出血並唔係一個常見嘅現象，即使真係因為懷孕都係只有少部分女性會出現嘅情況。
而回應子宮發炎嘅問題，都想了解以往求診嘅時候，有冇同醫生提及服用事前避孕藥同出血情況嘅關係？ 壓力因素同埋飲食習慣轉變有機會影響經期嘅日子（廷遲/提早經期），但喺相信唔會因為壓力同飲食令子宮發炎嘅情況出現。服用事前避孕藥嘅初期，的確會出現副作用，例如噁心、頭暈、頭痛、乳房脹痛、情緒轉變等等，但一段都會喺幾個星期之內消失。如果係喺擔心孕宮發炎有機會同服用事前避孕藥有關係，建議你搵翻開藥嘅醫生，詳細說明你嘅病史，睇下當中喺咪真喺有關係，進一步了解身體情況。又或者詳細嘅身體檢查，了解身體出現長期流啡情況嘅原因。 