危險期安全性行為

Suppose 10月6日會嚟m,但當日見未嚟,所以同男朋友進行咗兩次安全性行為,有用安全套,但第一次插入期間有聽到少少聲,冇內射而聽到聲之後好快就停咗,除出嚟嗰陣冇為意有冇穿。而第二次都有正確使用安全套,兩次都冇內射。但呢兩日都未嚟m,好驚會出事。:frowning:
上個月嚟完m之後有進行3次安全性行為,都冇內射。但呢個月係飲多咗凍野同打咗兩針,唔知有冇影響._.”

Hello @oiad :blush: :wave:t2: 首先好欣賞你同男朋友在整個性行為過程中,都有戴好安全套 :smiling_face_with_three_hearts: :+1:t2:只要整個性行為過程中係有正確戴好安全套,安全套亦無甩過,並無直接接觸過對方嘅體液,其實懷孕嘅風險真係好低 。下次擔心安全套在性行為期間有無穿到的話,都可以嘗試事後做注水測試,睇下有無漏水,咁就更加放心。

暫時只係遲左2日尚未來經,都無需太擔心住嘅。月經來遲嘅原因有好多,例如最近有生病服過藥(特別係抗生素)、情緒有起伏、壓力過大、生活作息唔定時、飲食唔均衡等,都有機會有所影響。都可以留意下最近嘅生活,有無機會有以上嘅情況出現 :wink:

疫苗影響方面,外國暫時普遍黎講都有指出注射疫苗,有機會對月經週期產生影響 ,原因係子宮內膜內都含有免疫細胞,注射疫苗有機會令子宮內膜內嘅免疫細胞有反應,有機會延遲月經週期。所以暫時月經遲左2日都無需太擔心住 :smiling_face_with_three_hearts:

如果你都係好擔心有機會導致懷孕的話,可以選擇性行為11日後驗孕 。一般受精卵著床需要6-9日,所以性行為7日後驗孕已經可以有初步結果。而性行為11日後驗孕,就會比較準確同埋可靠啦 :relaxed:

男用安全套方面,都可以分享番男用安全套避孕成功率分別為98%(perfect use,完全正確使用) ,及82%(typical use,一般使用) 。換言之,只要正確依足指示戴安全套,用後安全套亦無破裂,其實懷孕嘅機率真係好微啊。如果就安全套使用上有疑慮,都可以睇我地以下嘅文章,內容有詳盡咁講述正確戴安全套嘅方式,同埋注意事項。 :wink:

《Stickypedia系列-安全性行為:第一寶》-安全套

最後危險期方面都提醒番,知道有唔少人會用安全期或者危險期作為避孕措施,其實並唔有效 :blush:。所謂「安全期」內發生性行為嘅懷孕風險會比較低嘅原因,係因為避開左受孕嘅日子 。不過正正因為每個女性每個月嘅週期數字都可以有變化,所以都唔能夠準確知道排卵日係幾時,同埋幾時係安全期 ~ 所以安全期避孕法失敗率係好高嘅 。正如上文講過,月經週期有好多原因可以導致出現變化 ,例如最近呢個月有生病服過藥、飲食唔均衡、生活唔定時、情緒有起伏、壓力過大等原因,都會令黎月經週期變長/變短,令我地難以準確預測「安全期 / 危險期」。 因此,唔建議大家盡信或者依賴月經週期計算器/安全期計算法,推測「排卵期/安全期」,去發生唔安全嘅性行為:pleading_face:

亦因為咁,今次都無需太擔心性行為係咪於危險期期間發生,反而整個性行為過程中,你地都有戴好安全套,咁都能夠有效減低懷孕嘅機會,以及避免性病傳播嘅風險 :wink:

明白晒你:pleading_face:真係好擔心 但聽完你咁講都安心啲:pleading_face:依家努力令自己冇咁緊張 希望啲m會乖乖地咁嚟揾我:pleading_face::pleading_face::pleading_face:多謝晒你嘅詳細解答 好用心:pleading_face::pleading_face::heart::+1:t2: