我幾年無做性行為，現任男朋友係外國
諗住買支抽插震動棒玩下，點知佢有3.5cm咁粗，用埋ky入去，係門口就覺得好痛。有無咩方法幫下我，吾想浪費幾百蚊
Hello 
其實如果幾年冇試過有物件插入陰道的話，突然嘗試插入時感到有困難係好正常嘅事呀！因為陰道都係由肌肉所組成，太耐會活動過的話肌肉都會自然地收緊。試想下如果幾年無做過運動無拉過筋，突然間要你拉一字馬，肌肉都係會處於非常緊繃嘅狀態，格硬要做的話亦會感受到強烈嘅痛楚，甚至會受傷。所以你經歷到嘅情況係絕對正常嘅。
陰道肌肉可以透過訓練去加強彈性同韌力，不過係需要時間嘅。明白你唔想浪費買玩具嘅錢，不過而家呢一刻強行去使用玩具嘅話都有機會令陰道受傷，亦會令自己對插入產生恐懼。試下暫時唔好用呢個玩具先，可以由用手指去插入陰道，慢慢令手指適應返被外來物進入陰道嘅感覺。係插入前除咗要剪好指甲同清潔好上手之外，亦可以考慮用指套或者安全套包住手指，減低指甲刮傷陰道嘅機會，亦減少細菌由指甲縫進入陰道嘅可能性。同時亦要準備埋合適嘅潤滑劑（例如你本身有嘅KY）。
一切準備就緒之後就可以揀一個自己覺得安心嘅時間同空間，尋找一啲可以提升自己性慾嘅途徑（有啲人會選擇睇色情影片或者文章，亦有啲人會諗住自己嘅性幻想對象）。慢慢嘗試由刺激陰蒂開始（或者其他你喜歡嘅敏感帶，不過因為陰蒂同陰道有一定嘅連結，能夠令陰蒂刺激甚至達到陰蒂高潮都有助令陰道放鬆架！ 
），去到自己認為適合嘅時候嘗試用一隻手指插入陰道。一開始可能用一隻手指都有有困難，可以試下係陰道口外慢慢打圈摩擦，不時嘗試將手指頭（手指第一節）嘅部份順勢插入陰道。
如果呢個部分都順利，就可以慢慢嘗試將果隻手指嘅其他部份都插入陰道 
。自己將物件放入陰道同被其他人插入嘅感覺會有啲唔同，會需要更多時間去感受自己陰道內嘅結構同角度係點樣，再去調節插入嘅方式同角度。所以呢個過程都係急唔嚟架！如果發現陰道口已經無之前咁繃緊，可以順利入到一隻手指，但手指無辦法順利咁樣放晒入陰道，可以有啲嘢阻住（但又未去到子宮頸嘅位置），可以試下調整自己嘅姿勢。例如係打開雙腳、舉高其中一隻腳、或者用枕頭墊起屁股嘅位置，調整到一個自己覺得舒適嘅位置。
當一隻手指可以完全順利咁放入陰道之後，可以慢慢嘗試抽插或者旋轉手指，亦可以試下用按壓嘅方式去刺激陰道，搵吓自己喜歡嘅刺激方式。
慢慢就可以嘗試放第2甚至第3隻手指入去陰道，當陰道都完全可以適應到嘅時候，就係再嘗試呢個玩具嘅時機啦！不過要留意唔同嘅玩具有唔同嘅設計，有啲可能設計上頭部嘅位置係比較大，可能就會令插入嘅過程變得困難。可以嘗試用上面有提過嘅方法慢慢嘗試，睇下可唔可以放到入陰道！如果到最後都係無辦法放到入陰道，其實都唔需要太傷心，好多時只係單純地因為呢個玩具嘅設計同你嘅身體唔配合 
。就好似護膚品咁，都要買咗返屋企試下先知啱唔啱自己！呢幾百蚊其實都唔會係浪費咗架，反而係幫你節省咗日後再買類似設計嘅產品嘅錢 
！
成個過程未必係1－2日之內就可以完成，但欲速則不達，不妨趁呢個機會探索多啲自己嘅身體，了解多啲自己身體嘅喜好同可能性，可能會搵到比以往嘅性愛不一樣嘅感覺都唔一定架！ 有咩事都歡迎隨時返嚟再同我哋傾吓，希望你都搵到自己享受嘅方式啦 
！
謝謝你用心回答我