16以上 18以下買事後

如果過左16但仲未18去家計會買事後會唔會通知屋企同埋個流程會係點:face_with_monocle:

唔會通知屋企人
如果係快啲打電話去同佢講食事後丸呀!72小時內要食 愈早食愈好架
去到 姑娘問下啲問題 之後就等見醫生
都係問下問題 佢有兩款架
簡好之後等姑娘叫名 就可以即刻食 食完就走得

hello 你好啊 :smiling_face_with_three_hearts:的確家計會不會有當事人嘅家長聯絡資料,都唔會喺未得當事人同意之下,聯絡家長嘅~喺香港環境而言,16歲以上都喺合法嘅進行親密行為嘅年齡,所以都唔需要太擔心喺求診嘅過程會唔會被人舉報。如果你同伴侶嘅年齡高於16歲,低於18歲,家計會依然會為你地提供服務,喺求診嘅過程中,當值護士有機會問及少少性行為對象、同埋發生性行為嘅時候雙方喺咪清醒。以下都可以講少少求診嘅流程:

  1. 護士接見

首先,護士會了解少少當事人嘅病史同今次性行為嘅概況,例如雙方喺有清醒同有共識地進行性行為、最主要因為咩原因而避孕等等。

  1. 醫生接見

醫生會做基本嘅問診同身體檢查,例如以往有冇心血管疾病病史、子宮病歷、姐期嘅狀況、例如平均血量、經期日子嘅長短、經血狀況等等。呢個階段嘅問診同檢查都喺為咗身體嘅情況適合服用緊急事後丸。如果一旦確認適合服用,就會處方藥物。

  1. 翻去大堂等候

  2. 護士接見

護士會量血量、喺護士嘅見證下服用事後丸,護士都喺會過程中講用服用事後丸嘅副作用。例如有機會推遲下一次經期。所以喺服用事後丸後,經期同以往嘅不一樣,都唔需要太擔心。

  1. 翻去大堂等候,休息10分鐘
  2. 職員預約覆診日子驗孕,大概喺1個月之後

上面都有回覆,當中都有提及72小時避孕藥同埋「愈早服用」愈好。然而,事後緊急避孕藥都分為兩種,其一喺性行為發生內72小時內服用,其二喺性行為發生內120小時內服用。如果選擇服用120小時內服用嘅話,只要喺時限內服用就可以,唔需要擔心藥效因 早/ 遲 食而影響效果。

最後都想提醒你地可以先喺網上預約,因為家計會嘅人流比較多同唔穩定,都唔會接受walk-in,所以你地可以透過網上預約,同埋喺辦分時間致電作地進行預約。因為聽日朝早嘅家計會服務或者會受到8號風球號影響,然後大後日喺重陽節假期,所以如果你地喺網上預約/ 電話預約,都建議你地可以分享性行為發生嘅時間,因為到時好大機會只能服用120小時時限嘅緊急避孕藥:smiling_face_with_three_hearts:

以下喺家計會有關緊急避孕嘅資料,你都可以參考: