我女朋友9月18日開始嚟M。係今日嘅時候，我攞我嘅性器宮喺無套嘅情況下放在一半落去女朋友的陰道，放咗一半嘅時候已經攞返出嚟，想問吓咁樣會唔會有機會有咗?
希望有人可以認真解答下我
Hello~ 陰莖喺性興奮時通常會自動分泌尿道球腺液(pre-cum)，當中都含有少量精子，所以喺無套插入嘅情況下，即使無射精，都有機會因為接觸到尿道球腺液而懷孕。
另外，因為月經週期受好多唔同因素影響，例如生活習慣改變、心理壓力大、生病服食過藥物等等，所以月經比預期提早或者延遲都係好常見嘅，亦都因為咁好難預測幾時係排卵期，好多時都要到來經嘅時候先可以推算返，而且精子可以喺體內存活2-3日，所以如果未有計劃懷孕，建議仼何時候發生性行為都使用安全套，而且安全套亦都可以減低性病及細箘感染嘅機會
如果好擔心懷孕嘅話，可以考慮服食緊急避孕藥，緊急避孕藥主要分為兩種，分別嘅服食時限係性行為後嘅72小時內，以及性行為後嘅120小時內，因為緊急避孕藥喺香港係必須經醫生處方嘅藥物，亦都唔係每個人嘅體質都適合服用，所以如果決定服食嘅話，建議去家計會、母嬰健康院或者婦科診所經醫生處方，有關緊急避孕藥嘅詳細資料可以參考家計會嘅網站: 緊急避孕 - 香港家庭計劃指導會