事後丸加抗生素

今年本人25歲 我上一次黎m 係9月15日 根據呢幾個月 每一個月黎M都會比上一個月早幾日 呢幾個月都準既 27-28日一個週期??
上一個月 第一次做係9月27日晚上
之後最後一次係9月28日既早上11點
無全程帶套…3次都係有係出面磨擦
進入之前先帶番套 三次射精都係射係套入面
檢查過 應該無穿 但係最後一次唔知點解屁股有啲液體漏出黎 唔知道係佢定係我既
所以我好驚 打去家計會食事後丸 (Ulipristal acetate)
因為我體重超過左70kg 大約78kg 168cm高
所以醫生就建議食呢隻
食既時間係9月28號下午4:30左右

之後因為一直我牙肉腫痛 突左出黎
係9月29號 醫生開左7日抗生素(metronidazole)比我食 一日3次
咁我唔識 我就係29晚上10點左右開始食第一粒
但我係幾日前 上網睇係唔可以一齊食

我好崩潰 上網睇好多話事後丸副作用 只維持24小時左右 但我係隔左成個星期先有副作用 好似唔係好關副作用事咁
因為我今次出現既症狀同我之前意外懷孕係一模一樣
有胸痛 下面谷住谷好似想黎m咁 乳暈有小顆粒?(平時無留意開 唔太清楚)最重要係腰痛
如果係平時黎m 只會腰痛一日
但係我由8號開始 連續腰痛到依家(同上次懷孕好似)

咁我就係10月10晚上試下驗 咁得一條線
我又係好驚好驚 10月11晚上 再試 都係一條線
跟住10月12早上 第一次屙尿 驗左都係一條線
我聽朝會再驗

我真係好驚
我成日都諗住想去死 我無時無刻都上網search 懷孕初期、事後丸副作用等等
無一刻係唔睇 我飯食唔落 覺訓唔到 好辛苦
因為之前落過 我好驚 好驚再重複一次 所以啲症狀同上一次一樣 我就已經好想死我真係好想死
岩岩先搵到份好工 如果到時要落我唔知點請幾日假
我有諗過想要 係經濟都係唔得 男朋友又冇儲錢(已一齊差唔多5年) 生左又冇人湊
我真係好驚

同埋好似九月尾嗰幾日就係排卵期危險期、所以係咪食咗藥都冇用 加上食埋抗生素
我真係好崩潰 情緒好失控係咁喊 唔知點算好想死

再補充小小…我唔知兩種藥唔可以一齊食
我係睇政府門診 個陣無同佢講
琴日太驚 再睇門診問佢 個位醫生就話無咩關係
但上網睇 好多資料又唔係咁講…
另外 琴日開始作嘔 今日都有啲
唔知係咪心理作用…

hello 你好啊 :smiling_face_with_three_hearts:,由字裡行間都感受到你嘅焦慮同不安。首先回應服用事後避孕藥同抗生素是否有衝突呢個問題,因為都要視乎抗生素嘅種類、服用抗生素嘅長短、事後避孕藥嘅種類、至能夠知道抗生素同事後避孕丸有冇衝突再加上如果你已經同負責處方事後避孕丸嘅醫生問過兩者之間有/冇衝突,都的到醫生嘅回覆喺兩者冇關係,其實都唔需要太擔心 :pleading_face:。事後避孕丸嘅原理喺唔係淨係透過抑制排卵造成緊急避孕嘅功效,仲會增加子宮頸黏液令到精子難以穿過,亦會令子宮內壁增厚,即使卵子受精亦無法着床,所以只要你係適當時間內服用左事後丸,而且係經醫生處方嘅話,會意外懷孕嘅風險都唔高。所以只要你喺可靠嘅來源(家計會),服用由醫生處方嘅藥物、又喺性行為發生後72小時/120小時內服用,藥效都已經建立咗。至於排卵期唔會唔影響緊急避孕丸嘅藥效,緊急避孕藥係通過高劑量嘅荷爾蒙抑制排卵;如果已經身體已經排卵嘅情況下,高劑量嘅荷爾蒙會干擾受精過程,因此達致緊急避孕嘅效果。所以你擔心,「會唔會因為排卵期,令到食咗事後避孕丸都無效」,呢個情況喺唔會發生。

另外,服用事後避孕丸嘅常見副作用就喺會推遲下一次經期日子。再者,都想解釋少少經期嘅狀況,因為身體荷爾蒙受好多因素影響,例如情緒因素、生活習慣嘅轉變、壓力、飲食、藥物等等因素影響。所以經期日子並唔會每一次都喺準時,而就算以往經期喺準時,都唔代表將來嘅經期喺都準時,同以往週期一樣。再加上你食咗緊急避孕藥,排卵有機會受到影響。而且服用緊急避孕嘅其中一種副作用係影響月經週期,月經嘅日期、長度、血量等都有機會出現變化,甚至同平時好唔同。而且食過事後丸之後並無話一定會令月經提早定係延遲,只能夠講好大機會同預計嘅有差距。通常一至兩個週期之後就會穩定返,情況因人而異。

再者,關於身體嘅唔同症狀,例如「胸痛、腰痛、谷M」等等嘅感覺,可能喺屬於經期先兆,同懷孕嘅症狀好相近。所以我地更加唔能夠依照身體呢d症狀嚟判斷有/ 冇懷孕,建議使用驗孕棒驗孕。都見你分享到10月10日、10月11日都分別驗孕兩次,兩次嘅結果都喺nagative。所以你可以安心相信結果。只要跟足驗孕棒嘅指示完成步驟,驟孕棒嘅準確率達致97-99%。所以都可以放膽相信驗孕嘅結果。 :smiling_face_with_three_hearts:

都想補充少少避孕方法需要留意嘅地方,都建議你同伴侶可以商量喺性行為嘅時候全程都使用安全套。因為男性喺性興奮嘅時候,會分泌出尿道球腺液,當中有機會含有精子。所以無套嘅情況下,磨擦甚至插入,都有機會令精子意外進入陰道。相信呢點都喺今次令你非常擔心同焦慮同原因,所以為咗避免呢個情況再一次出現,都好建議性行為全程都使用安全套,又或者使用荷爾蒙避孕方法,例如服用事前避孕藥或打避孕針等等

最後,網上資料未必可信,不停check關於意外懷孕又或者緊急避孕嘅資料,或者會出現反效果 :pleading_face:,未能夠令自己安心、獲取準確嘅資訊之外,反而更加不停焦慮/ 擔心 :pleading_face:。不如停一停,你已經及時做好防範意外懷孕嘅措施,例如喺時限內服用緊急避孕丸、多次驗孕進一步確認身體情況。所以放鬆心情,安心等候經期嘅出現。 :smiling_face_with_three_hearts:

唔好意思呀!我仲想問問 因為我到呢刻仲未黎呀,
但10月13日都驗過 都係negative 係咪因為我太早驗….
同埋我去門診睇醫生 並非開事後丸醫生(家計會)、試過打去問 佢地話要見醫生 但我22號先見到:sob:

真係好唔好意思…我覺得自己好似好煩…
我今日太擔心都係繼續驗左 晏就5:00左右
都係negative … 因為一日月經唔黎 我都唔太相信呢個結果
其實去到邊日先至最準確:slightly_frowning_face::pleading_face:

hello 你好啊 :smiling_face_with_three_hearts:,回應翻驗孕嘅問題先。睇翻上次嘅post,對上一次發生性行為嘅時候喺9月27日晚上同埋9月28日既早上11點,而你驗孕嘅日子喺10月10日、11日同埋12日。驗孕棒嘅使用原理喺:距離性行為發生後7日驗孕,可以得出初步結果; 距離性行為發生後11日驗孕,可以得出準確同可靠嘅結果。透過檢測尿液中嘅HCG(人絨毛膜促性腺激素)含量嚟判斷有無懷孕,因為只有受精卵成功著床嘅女性身體先會會開始分泌HCG,通常著床時間就會係6-9日。所以就你嘅情況,10月10日嘅第一次驗孕,已經距離發生性行為有13日。再加上你已經驗孕多次,都喺同樣得出negative 嘅結果,就可以安心相信驗孕棒嘅準確率。 :innocent:

其實唔需要唔好意思,我地都好樂意解答你嘅疑問 :pleading_face:,可能你因為上次終止懷孕嘅經驗令你依家咁擔心。但喺情緒同壓力都喺會影響經期嘅因素。所以既然現階段你已經及時使好所有補救措施,例如服用緊急避孕丸、又問處方醫生抗生素同埋避孕藥有冇衝突、又已經多次驗孕。所以都唔需要太介懷,安心等候經期嘅出現~希望可以解答到你。 :smiling_face_with_three_hearts:

晚安呀!岩岩7:30終於有啲新變化。
啱啱去廁所嘅時候、抹到有淺咖啡色嘅分泌物。
上網睇好似話有着床出血嘅呢樣嘢。
但我對呢樣嘢唔係好認識、究竟佢係月經定係著床出血。
可唔可以講解一下:frowning::frowning::frowning::frowning:依然好擔心。麻煩曬!!!

同埋我會唔會有機會係著床出血:sob:

著床性出血,一般血量會較少,顏色較淺,可能會少至只有一滴血,部分人可能血量會多少少 。血量係護墊可以承載嘅血量 ,通常只會一日內一瞬間流完 ,並唔會似月經咁持續黎4-5日。著床性出血時亦唔會好似黎月經咁身體有劇烈感覺(例如肚痛、頭暈等)。所以從經血量、持續日子、身體感覺上,著床性出血同一般月經都有好大分別 :wink:,不難分辨。而咖啡色嘅分泌物,今次都有機會係來經前嘅徵兆:relaxed: 如果好擔心的話,建議可以先觀察一下之後幾日分泌物/陰道出血嘅狀況,睇下係咪都似著床性出血 ,還是比較似經前徵兆/來經:blush:

最後正如 @Claire_StickyRiceLove 提及過咁,

再加上驗孕棒嘅準確率達97-99%,所以懷孕嘅機會係好微,暫時都可以無需擔心係咪著床性出血啊 :blush: 可以嘗試放鬆心情,耐心等候月經嘅出現先 :two_hearts:

1個讚

呢段時間好多謝你地呀!你地講既野令我安心好多呀!幫到好多!你地真係好好:+1:t2:
今次啲血量同平時黎m差唔多,所以應該就無事
以後會再更加小心 對自己身體負番責任!