點解我個陰部成日都痕?

點解我個陰部成日都痕?

你好呀 @baby :wave:t2: :wave:t2:

都想知道你陰部痕嘅情況係有無特別指邊度架?因爲陰蝨同埋滴蟲都會係陰毛嘅地方痕嘅,但係滴蟲就會多一個狀況係分泌物顏色都改變埋嘅,分泌物會帶有黃色,比起平時稀啲,同埋會有異味。 :thinking:

如果係陰道口嘅話,就有可能係念珠菌而導致發炎,都有唔同嘅成因嘅,好多時都係由於著咗太緊身、唔透氣嘅內褲,一啲唔適當嘅清洗方式,例如一啲清潔劑或者洗得太密,又或者有食過抗生素、高劑量嘅避孕藥、最近病過等等嘅情況都會出現嘅。另外都有好多原因導致感染嘅,你都可以睇下有無其他病徵嘅,例如分泌物有變黃、變綠甚至變灰,就要即刻求醫啦。

同埋都想知道你係有無話特別邊個時段會比較痕定係一直都係咁嘅情況,因為如果只係喺月經期間有痕癢,有可能係因為對衛生巾嘅棉敏感而導致嘅。 :pleading_face:

唔洗擔心,呢啲都係可以醫得返嘅,你可以留意下最近分泌物嘅顏色同數量有無改變,如果有嘅話好大機會都係一啲感染,至於係邊一種感染就需要醫生幫你診斷啦,你可以去普通家庭醫生、婦科或者家計會度見醫生嘅。 :smiling_face_with_three_hearts:

沖涼後或者疑似黎野之前/先兆

咁都想問返你,呢6個月期間你嘅情況有冇變化?有冇嚴重咗或者好轉咗?有冇睇過醫生?分泌物有冇異常顏色或者異味?除咗痕癢之外有冇其他症狀? :face_with_monocle:

正如我哋之前所講,如果分泌物顏色同氣味有異樣,都值得留意,搵醫生檢查下。而其他影響因素,例如底褲、下身衣物過緊/材質令你敏感,日常清潔問題等等,都可能造成痕癢。

如果你通常沖涼之後痕癢,可能你要睇下你嘅清潔習慣。建議每日使用清水溫和溫柔地清潔陰部,尤其係大小陰唇之間嘅部位。但係唔建議灌洗陰道,亦唔建議使用清潔力強嘅沐浴露,因為清潔陰道入面或者用比較鹼性嘅清潔產品會改變陰道/陰道口偏酸性嘅環境,當陰道/陰部嘅酸鹼平衡受到影響,就會比較容易敏感/不適/受到感染。如果你真係需要使用清潔產品,建議要睇清楚成份,選擇適合自己嘅產品。
而沖涼之後,建議用紙巾輕輕印乾陰部之後,再著乾淨、透氣嘅底褲(建議係選擇棉質、尺寸同剪裁合適嘅底褲)。唔建議用毛巾,因為毛巾相對比較容易滋生細菌,尤其而家天氣比較潮濕,如果毛巾表面嘅細菌接觸到陰部,都可能造成痕癢不適;而且毛巾嘅材質相對紙巾比較粗糙,可能抹嘅時候都會令陰部不適而覺得痕癢。
而月經之前,因為身體荷爾蒙水平變化,亦都有機會造成陰道環境變化。所以會有啲不適嘅感覺。

如果過咗一段時間之後情況冇改善甚至有加劇,建議睇下醫生,了解下自己嘅身體情況。 :woman_health_worker:t2: :man_health_worker:t2: