男方唔坦白

同男朋友識左三個月,一路都係whatsapp傾多,直到出黎見面食飯,上佢屋企,最後一齊左一個月,開頭佢話幾年冇拍拖,我信左,前幾日比我見佢個女仔fb,有佢地嘅拖手合照,係呢兩三年嘅事,仲有上佢屋企玩貓貓嘅相,最近九月都仲有見面。。尋日當面問佢,佢開頭仲係話幾年無拍拖,我問點解要厄我,對恃一個鐘大家對望的,每問佢一句佢都擰頭,話唔想講,死都唔肯講,話一係到佢想講我地先再一齊,而家變返朋友先。。。。問佢而家係咪仲同個女仔一齊,佢又話唔係。。。。。我真係好想知咩事,whatsapp又冇再覆我。。。

你好呀 @iloveu1989 :wave:t2: :wave:t2:

明白你呢刻都好困惑,唔知點算好,好想知道佢究竟隱藏咗啲乜嘢,又係啲咩原因佢唔想講。

我諗你最重視嘅係佢欺騙你呢一點,明明佢同呢個女仔九月嘅時候依然都有有見面,點解係話幾年無拍拖,究竟呢個女仔係咪佢前女朋友?呢段無乜信任基礎嘅戀情,就好似就嚟一個有窿嘅水池咁,原本大家已經將呢個窿修補好,仲係裡面裝水,憑住你地嘅努力,水池開始有少少水,但係對方嘅大話就好似係水池底挖咗個窿咁,代表信任嘅池水就咁就流曬出去。 :blush:

你哋最後選擇退回朋友關係,但你依然好想知道,有乜原因佢會一直隱瞞,究竟發生咩事先會令佢係水池底挖果個窿。對方越閉口不談,你就越想知道,不過都想知道。

好好奇想知道,如果真係俾你問到佢閉口不談嘅原因,佢地「最近九月都仲有見面」呢件事係咪都唔會係你心裡面留底一根刺呢?

有好多時間,愛情會結束得好突然,感情無疾而終,無任何人解釋俾我哋聽,發生咩事,原因究竟係咩,我哋只可以接受呢個好突然嘅結果。 :pleading_face:

好老套講句,究竟係咩事或者咩原因,都係得佢先會知道,你都可以繼續等佢講,了結你想瞭解事情全貌嘅願望,又或者選擇move on。或者真相最後可能會好沈重,或者係一個誤會,我哋都唔會知道。 :cry:

送首歌俾你啦,希望能夠唱出你嘅心情啦:)

​​https://www.youtube.com/watch?v=eGr3nLMwbAk

如果佢講到原因點解厄我,如果而完佢地根本冇一齊,九月見面我都ok,可能佢地做返朋友。。到而完我都再比機會佢等佢想講先講,我比時間佢,但佢都係唔覆我whatsapp…我覺得佢已經冇心再想同我一齊,但我好想知答案,我應該直接問個女仔嗎?

hello 你好啊 :smiling_face_with_three_hearts:,都感受到你對呢件事情嘅不解。我相信呢次事件都喺你同男朋友之間嘅衝突,如果現階段直接問女仔,而跳過男朋友,可能有機會會有反效果,令男朋友都感受到你對佢嘅唔信任、又或者會引起新一輪嘅誤會。所以你再試試同男朋友討論呢一個問題。始終溝通都喺親密關焦當中比較重要嘅一環,令佢明白你對呢段關係嘅重視,同時令佢明白呢事件對你嘅困擾,開心見誠地討論。同佢傾嘅時候,盡量令對方感受到你並非喺責問或責難佢,而喺令佢感受到你嘅疑問喺為咗大家嘅關係,釐清呢件嘅疑惑至可以令事件告一段落,可能咗樣對雙方都比較好少少~

另外,你都可以預計對方唔同嘅回應,同埋當下應對嘅方式。即使對方講咗你未必願意想聽嘅答案, 你都以透過小小嘅準備同預演嘅過程,令你可以及時地調整語氣同表情,避免進一步嘅衝突。希望可以解答你。 :smiling_face_with_three_hearts: