我和女朋友29/9月經前有性行為，全程有用安全套加外射，check了安全套沒有破損，本身佢應該係29/9來月經，但遲了。最後在性行為後7日則6/10月經來了，一共來了6日，第一天量正常，第二天開始多，到第四天開始冇咁多，到第六天只有少量。想問這樣還有機會懷孕嗎？
我意思係29/9當日有性行為
Hello @Jaycgan 
因為你同女朋友嘅性行為係29/9發生，而6/10月經已經黎左，咁無需要擔心是否有懷孕嘅風險 
。性行為後，如果有黎月經，代表左月經前嘅性行為沒有令受精卵著床 。因為受精卵著床的話，子宮內膜係會持續增厚，去令受精卵有一個良好嘅成長環境，就唔會出現子宮剝落，形成月經。因此，只要出現月經（子宮內膜剝落），就代表並無懷孕。
加上，你都有提及整個過程都有依足正確步驟，戴好安全套，而事後個套都無穿，咁導致懷孕嘅風險係好微啊，無需太擔心 
而月經來遲都有好多因素影響，例如最近生過病有服藥（特別係抗生素）、情緒有起伏、壓力過大、生活作息唔定時、飲食唔均衡等。所以有時月經遲左少少出現的話，都無需太擔心住
最後都可以留意，只要有依足正確步驟戴安全套的話，其實無需射精之前抽出嘅。一般安全套嘅設計係有儲精囊，所以係有顧慮到使用者射精之後先抽出。當然你都可以選擇戴安全套嘅時候，射精前都就已經抽出，咁就可以避免到安全套因為射精時衝力太大而破裂嘅風險（如果戴套前手指有按實儲精位置先開始戴套的話，呢個機會率本身都好微嘅） 。
不過，對於部分男性黎講，每次射精前都要算好時間抽出先射精，有時都會有一種無形嘅壓力或者焦慮感，有機會影響日後嘅性表現或者射精情況。都可以留意一下對你黎講會唔會有呢種感覺～
另外，有戴套嘅情況下突然抽出，其實都會有機會反而比單單使用安全套射精後抽出嘅風險大。因為好多人會於呢個突然抽出嘅過程中，無按住安全套開口位置就抽出，導致安全套意外甩左／殘留於陰道內，令安全套裡面嘅分泌物流出 
。
所以都建議可以同女朋友溝通一下，未來係咪都希望戴安全套嘅情況下，都係抽出先射精，還是選擇於體內射精後先抽出都可以啊