我係咪死得😫

我而家17歲
近3個月m期都好準
上個月安全期既時候發生左一次冇帶安套既性行為(冇內射)
但我比起平時遲左4日都未黎m
由上次到而家 我覺得自己食多左野 亦重左大約3 4磅 有時又突然間冇胃口 同埋個人長期好攰
但呢幾日都有我平時黎m時候既腰痛 有少少腹痛 生1 2粒acnes(全部都係例行公事) 又會feel到下面流m 但發現只係d黃黃地既分秘物 唔係血😭
我係咪中左?
我應該幾時同買邊種驗孕棒?
如果真係有左可以點落?
我真係好驚 搞到心情好不穩

17歲經期仲唔係好準都係正常呢, 不過如果有唔安全性行為, 你可以係miss period的第一日就驗孕, 所以今日你就已經可以驗架呢。

食多食少同長期攰都有好多原因, 係唔係因為成日要體力勞動而需要更多能量? 係唔係生活上面有野發生左而令自己會食多左、食少左同會攰? 如果真係懷孕, 都唔會咁快去到成日想食野階段, 所以你可以回憶下會唔會係上面個兩個原因。

照你咁講都應該有黎M嘅跡象, 但因為擔心會懷孕呢個心理都會影響都經期準確程度。我覺得你可以放鬆少少先, 因為你提及的徵狀都唔一定係懷孕。

至於feel到下面有分泌, 而分泌係黃黃地嘅, 我想問下你之前經期係唔係都有類似嘅分泌, 又或者分泌會係比較多。普遍黎講經期前因為荷爾蒙嘅影響都會有比較多嘅白帶, 而白帶亦可以係帶微黃色。如果白帶/分泌黃得黎好深或甚至係綠色而有異味, 就可能有感染而要睇醫生。

如果驗孕之後發現有左, 可以帶埋男朋友向家計會求助。不過我建議你都係先驗孕, 真係出意外的話請留言吧。

1個讚

嚴格黎講係之前3個月一真食欲唔正常 經常想嘔又無得痾 體重drop左15磅 直到7月開始改善 而家食返以前既份量 我唔知係身體調節好定點 不過最近放假訓多左 照計會精神好d 可能係我情緒影響到

我平時係有白帶既問題架 會有淡黃色分泌物 去到黎m就會深黃之後啡之後就黎 而家情況又未到深黃 不過有d味(我日日都有清潔)

其實我想問係家計會會有咩程序 會唔會搞好耐 我下年dse😫 我諗過直接同媽咪講 同媽咪去家計會會唔會好d? 我唔想同男朋友去😔

多謝你😭我而家日日心情好困擾又訓唔到😭

食慾唔正常似乎係跟情緒同埋飲食習慣有關, 個時有無去睇過醫生? 因為體重係3個月內跌左15磅係幾多下, 仲有可能會影響到內分泌。其實你覺唔覺得情緒係好影響你食慾, 而有咩野係會成日影響到情緒架呢? 因為呢樣野多少都會影響荷爾蒙, 而荷爾蒙失調都會令經期唔準時的。

如果白帶會去到深黃甚至係啡色, 而佢又唔係流啡的話, 我建議你去睇醫生, 怕係有發炎嘅情況。如果白帶有問題就唔應該再有性行為住。

家計會終止懷孕可以參考佢地網頁:
http://www.famplan.org.hk/fpahk/zh/template1.asp?style=template1.asp&content=services/clinic/services.asp&nscref=18

不過真係意外懷孕, 係有必要俾男朋友知道唔安全性行為的後果, 就係要女方去接受藥物或者手術, 而且女生一生唔可以多次做終止懷孕手術, 否則第時想有都未必成事。所以touchwood無事的話, 首先要醫好白帶, 再有性行為時請做好安全措施。

1個讚

之前冇睇醫生 諗住有好轉就唔睇 我覺得自己係情緒影響食欲既 但根本而家既情緒我應該食唔到野先岩 但食唔到野個一排m期超準!

平時白帶唔會去到深色 係m前一日先會 啡色就差唔多出m

謝謝

希望你宜家心情好啲啦 :slight_smile: 驗孕棒係萬寧 屈辰氏個啲地方都買到伽 30至80蚊都有,唔想估估下就快啲驗下佢啦 通常朝早嘅尿驗係會準啲

咁你有冇同男朋友提過冇嚟m嘅事呀

所以人嘅身體係好奇怪嘅,不過再遇到情緒問題而令自己輕得好犀利,就應該求醫。減肥都係講緊一個星期一磅,同埋即使食慾不振都盡量多菜少肉同少食多餐,咁就可以解決無大便同嘔嘅問題。

至於白帶只有最後一日呈啡色,都有可能係因為開始黎M有血絲引起,但有異味的話都係睇醫生比較放心。

快啲今日買棒棒驗孕先吧。

1個讚

有呀我話仲未黎

知道

1個讚

咁佢反應點啊

佢都好驚 但因為佢屋企係catholic 我唔想佢屋企人知道…

想知道你今日有無驗孕呢?

朝早5點幾驗
點解連原本應該有個條線都咁淺色既?係咪唔正常?係咪我做錯左?我而家可以點 仲未放心…

其實c個條線唔係特別淺色 唔洗咁擔心 根據依個測試 你無懷孕呢

但頭先驗個陣T字曾經出過1秒紅線 不過個陣C字未有 咁係咪當未valid? 之後T字冇左C字先出

其實我洗唔洗再驗😭

會唔會係因為尿液索到上去T字窗口時引起的錯覺?

驗孕棒都有說明書,提及要幾多分鐘之後先檢查結果,同埋需要係幾多分鐘之內檢查先叫有效的。如果你係有效時間之內個結果都係同你貼出黎張圖一樣,就即係無懷孕了。

説明書話係5分鐘內我一路望住之後都冇變
咁有冇方法可以谷m架

放鬆心情,作息同飲食定時,佢就會黎架啦。
不過最緊要係暫時忍一忍唔好有性行為住,同埋以後都要有安全措施先好做。

諗諗下今朝test個陣說明書話要放入尿液10-15秒 但我諗我只係放左5秒(因為痾完😂) 咁樣會唔會有error架

應該唔會,只要尿液令試紙有反應,就ok,因為測試係根據尿液中是否含有孕激素而判定的。所以你的結果應該準確,沒有懷孕。如果很擔心,可以明天再驗一次。

至於怎樣快d來月經,我只能告訴你,越緊張,月經就越容易遲來。所以你應該放鬆心情,均衡飲食,過返正常生活。

性行為時要做好避孕措施。 :blush: