12號同伴侶發生性行為(無套)，不過佢一陣就拎返出黎亦都冇射精 但都擔心前列腺液都會有機會中🥲
上一次黎m係1號 呢排係排卵期(用app計) 好似谷M咁嘅感覺 唔知係因為排卵期定心理作用 同埋係咁有胃氣會反胃(胃唔太好) 我見以前嘅post都有個同我類似嘅case 但佢有食到事後我冇食到 e加有啲因為咁搞到有啲panic 想問下係咪應該23號左右去驗 🥲🥲thx
Hello~ 你好呀 @h_y,
首先如你所講，“擔心前列腺液都會有機會中”，其實係你所講嘅係尿道球腺液（Pre-cum）先啱
，陰莖喺性興奮時通常會自動分泌尿道球腺液(pre-cum)，當中都含有少量精子，（前列腺液雖然都會含有精子，但佢係屬於精液嘅一部分，一般嚟講唔會單獨見到佢嘅出現）所以喺無套插入嘅情況下，即使無射精，都有機會因為接觸到尿道球腺液內嘅精子而懷孕。而你嘅情況確實係有意外懷孕嘅風險
。
但係因為依家已經距離上次性行為（12/10）已經超過120小時 （事後丸最長嘅服用時限），所以無辦法服用事後丸進行緊急避孕 , 依家唯一可以做嘅，都只有等待可以驗孕嘅日子，進行驗孕 。如果想知道自己是否懷孕，最直接的方法是 
: 去買驗孕棒測試，或去醫院驗血。雖然驗孕棒最佳使用時間一般是預計受精時間11日之後或預計月經嘅日子，但其實最快在性行為後7日已經可以達到初步結果。所以建議你過多兩日，即10月19日，可以買一兩個牌子去驗，如果兩個都是陰性，那初步結果就應該是沒有懷孕了
。不過如果你仍然擔心，那我建議你在性行為的11日後再進行驗孕，即10月23日，就會比較準確同埋可靠啦
。
另外，即使Apps會預計月經嘅日子，但其實月經週期好容易受好多唔同因素影響，例如生活習慣改變、心理壓力大、生病服食過藥物等等，甚至無特別原因之下月經嘅日子都可以同Apps預計嘅有差距，所以都只能用作一個參考，唔能夠藉此去推斷懷孕風險。而且一般都要到嚟月經後先可以計算返上個周期係幾耐同大概幾時係排卵期（通常大概係月經前14天），所以其實係唔可以係未嚟月經嘅情況下推斷今個月嘅排卵期係幾時
。
見到你有講一啲身體反應，而且你都有提及因為這件事而感覺有點panic，希望你都可以盡量放鬆心情
。不過都提提你，如果未有計劃懷孕，建議仼何時候發生性行為都使用安全套
，而且安全套亦都可以減低性病及其他疾病（例如尿道炎、念珠菌）透過性行為傳染嘅機會。希望可以解答到你
。