本人二十七歲，今年九月中開始發覺自己細佬冇以前咁勁，打J習慣由小五開始，好多時起身冇咗晨勃，又或者晨勃唔係最硬有時打打下未硬想想射，開始意識到可能打多左，所以會休息三四日先再打，之前同ex做問題都唔大，見硬翻冇事就冇再留意。
但諗返對比細個，硬度同晨勃好似真係冇以前咁好，今日想打但竟然硬唔哂，但有興奮嘅感覺，三日前問題都唔太大，有啲擔心係咪要去睇醫生，始終病向淺中醫，自己又太細個開始打，擔心之後陽萎不舉。工作壓力上還好唔使熬夜等等，叫住有keep住做gym。正正因為覺得自己生活作息比較好，所以先擔心會有呢個問題。求有經驗嘅人比意見，thanks
hello 你好啊 
，很多謝你願意相信我地分享身體嘅煩惱。如同你分享，身體喺不同階段、不同年紀，又或者因為內在同外在因素，例如身體自慰嘅時候，習慣嘅速度、感到刺激或敏感嘅位置都會變得唔同。甚至心理同情緒因素，例如擔心自己嘅性表現，伴侶嘅睇法都會有機會影響自慰當刻嘅感受。所以出現你分享嘅情況，以往同依家自慰嘅經驗同感受唔一樣，都喺普遍～ 以下都可以分享調整自慰習慣嘅方法：
如果你嘅目標嘅推遲射精嘅時間，就可以嘗試凱格爾運動～ 凱格爾運喺一種斷收縮骨盤底肌嘅運動嚟嘅。首先要搵到骨盤底肌係邊度先，你可以試下去小便嘅時候嘗試中斷尿流，中斷時用力嘅位置就係骨盤底肌啦。平時就唔好係小便嘅時候夾斷尿流啦，避免膀胱壓力過大。記住果收緊骨盤底肌嘅感覺，然後就可以試下每日練習。例如一開始可以嘗試收縮嗰組肌肉5秒，然後放鬆5秒，咁樣為之一組，重複呢組動作10次。然後當身體適應咗，可以再加長加多鍛煉嘅時間同次數。因為呢個喺透過運動嘅方式嚟訓練射精嘅訓練，都需要一段時間持之以恆咗練習，可能需要一段時間至會有成果，唔好放棄～
如果你嘅目標喺性行為當中，唔想咁快射同增加硬度，可以試下使用持久環，又或者持久噴霧。但喺如果你想使用持久環，要留意持久環嘅使用時限唔可以超過20分鐘，因為持續處於血液循環較慢嘅情況有機會影響性功能，例如性功能障礙等等。當中嘅原理透過減慢陰莖嘅血液循環，從而令陰莖冇咁敏感。所以使用上都用留意時限呢點。
希望可以解答到你。