我女朋友6/10嚟M,尋晚21/10開始下腹小小痛,請問正常嗎？
hello 你好啊 
，想問問你嘅意思喺女朋友依然喺經期當中感受到嘅腹痛？定喺嚟21/10 已經喺下一次嚟經期前，感受到嘅腹痛 
？ 因為都見你分享「排卵期痛」，都想分享少少關於排卵期嘅資訊。如果以月經周期28日計算，排卵期通常為下次月經來前的兩星期（14天）。不過，因為經期受好多外在同內在因素影響，例如飲食、情緒、壓力、近期服用嘅藥物等等，所以我地要等到經期嚟咗，至可以往前推算排卵期嘅確切日子。就算以往嘅經期喺準時，都唔代表將來嘅經期都喺準時。除非每日都喺醫生嘅指導下用排卵試紙測試著有冇排卵，否則我地好難知道究竟邊日排卵。如果女朋友今個月休息得比較少，或者壓力比較大情緒緊張，可能都會影響月經嘅。
回應你問及腹痛嘅問題，的確腹痛喺其中一個經期前嘅先兆。當中嘅原理喺，經期期間子宮會收縮，而收縮嘅過程中就會感受痛楚。所以女朋友有機會喺經期前/ 經期中 會持續感受腹痛。如果腹痛嘅情況嚴重，又或者持續咗一段時間，都可以搵醫生作進一步嘅檢查，了解身體嘅狀況。
但係女朋友正常係3/11先再嚟M，21/10係中段時間，當然我女朋友佢不嬲月經都唔穩定
hello 你好@Jaycgan,
-
@Clare_StickyRiceLove 都有回覆過你，其實所謂嘅排卵期都要等到下一次來月經先至知係咪真係排卵期，因為排卵期通常係下次月經前嘅兩星期即係14日。而家呢一刻即使你可能用緊月經app去計算都未必一定準確，因為經期受好多外在同內在因素影響，例如飲食、情緒、壓力、近期服用嘅藥物等等，所以我地要等到經期嚟咗，至可以往前推算排卵期嘅確切日子。
- 都會想了解返，除咗下腹腹痛有冇其他症狀? 因為女性嘅下腹痛可以有好多唔同嘅原因，例如生殖系統問題（婦科疾病）、泌尿系統問題同埋腸胃系統問題等等…
如果可以留意到其他病症嘅話，會更加容易清楚知道係咪身體出現了問題，例如: 去小便時會感到剌痛有機會是尿道炎或者腹腔炎、或者有痾嘔嘅情況就有機會係食錯野而腸胃炎… 
- 如果沒有其他病症但係有**“流啡”**症狀，即係下體會流出少量啡色分泌物，咁就比較大機會係排卵期出血，呢個狀況唔少人都會有，所以唔係一個好嚴重嘅症狀，都唔需要太擔心，最主要係留意返出血以及疼痛嘅情況嚴唔嚴重。
- 如果假設真係因為排卵期間腹痛，呢個情況亦唔係罕見嘅，因為排卵期期間子宮會收縮，同一時間荷爾蒙亦有影響。**但呢個情況唔應該係持續性，而且唔應該有加劇嘅跡象。**所以都會想問問你，21/10開始到而家呢段時間係咪都有持續地疼痛呢? 而且疼痛嘅程度有否加劇?
由於有好多嘅原因有機會導致下腹痛，我哋亦唔能夠透過網上用文字去檢查到身體嘅情況，如果下腹痛狀況持續而且有加劇的話，都建議你可以盡快叫女朋友搵醫生作進一步嘅檢查，避免令情況進一步惡化。
只係好少嘅痛，之後第二日冇嘢啦，同埋佢呢幾日都性慾大增