好不安......

兩日前同人做完
今日已經feel自己有尿道炎
我最擔心係包皮口個位
朝早起身有少少痕
去小便抹一抹就冇乜嘢
唔知係本身尿道口嘅分泌物影響
定係hsv-2嘅symptoms
成個人好不安

Hello~ 想了解下你嗰次性行為有無使用安全套?如果有嘅話,安全套可以有效減低性病同細菌感染嘅風險,所以唔洗太擔心:blush:

而如果喺無使用安全套嘅情況下進行插入式性行為(陰道交及肛交),的確係有感染風險嘅。不過包皮痕癢有好多唔同原因引起,例如非性病嘅細菌感染、清潔衛生欠佳、皮膚敏感等,所以都唔洗斷定係感染性病住,可以先進行性病測試。因為唔同嘅性病都有唔同嘅空窗期,如果喺空窗期期間進行性病測試會影響結果嘅準確度。而因為性病嘅空窗期一般最長係3個月,所以建議你喺性行為嘅3個月後,到社會衛生科進行性病測試,有關社會衛生科嘅資訊可以參閱以下網站: 衞生署-診所及健康中心一覽表-提供社會衞生科(男性)服務的診所

不過因為性病嘅空窗期同檢測工具都有關,所以如果想較快獲得檢測結果嘅話,部份私家診所提供靈敏度較高嘅測試工具,最短嘅空窗期係5日,可以上網了解下唔同私家診所嘅測試空窗期同收費。

1個讚

嗰陣冇用套含但有用套做
但最大問題係嗰陣時載套嘅時候
指交佢嗰隻手指唔小心hi到陰莖
呢樣係我最擔心的問題

我啱啱仲覺得自己陰囊好似比平時熱
係唔係啲病徵

hello 你好, @Hehehaha

回答返你先
hsv-2 其實即係陰部皰疹, 單純皰疹病毒 Herpes simplex virus, HSV)。雖然潛伏期係大約性行為後2-12日,但大部分人毫無病徵。如果有病徵, 通常會出現以下情況:

  1. 性器官或肛門位置出現刺痛、痕癢、出現細小的水泡,

  2. 水泡爆破後會留下帶痛楚的傷口,為期2至3星期(尿液流經會感到痛楚),

  3. 出現感冒徵狀,如頭痛、背痛、淋巴結腫脹或發燒。

而根據你分享嘅身體情況,包括有尿道口同包皮位置有啲痕,就咁樣判斷應該唔會係hsv-2嘅病徵,返而同尿道炎嘅病徵比較相似,包括小便嘅時候有刺痛,而且會係尿道口流一啲分泌物出嚟。但都會想了解多啲:

  1. 係點樣嘅分泌物呢?其實分泌物係有啲咩異樣狀態令到你會擔心呢? 包括顏色,異味等等。
  2. 小便時候覺得有刺痛,呢個感覺係唔係持續?
  3. 刺痛同痕係咪喺有分泌物之前已經係咁呢,定係因為分泌物而覺得很痕?

假設如果係透明的話,都未必係感染咗性病之後嘅情況,反而好大機會係尿道球腺液,或者去完洗手間之後尿液冇抹乾淨所以令到陰莖唔舒服。如果包皮比較長,即係去完廁所著返褲之後,包皮會覆蓋到尿道口嘅話,有機會係去完厠所之後冇抹乾淨,然後有尿留咗喺包皮邊緣嘅位置,所以你會感覺到好似有液體流出,但其實嗰啲唔係分泌物。

回應返你講對方有用指交完嘅手指點過你嘅陰莖部位。如果當時對方嘅手指係冇傷口嘅,你嘅陰莖上亦都冇傷口嘅話,基本上唔會因為呢個接觸而導致到性病,係非常低風險嘅。另外你都有講過口交,同樣地,如果陰莖上冇傷口,而對方口腔裏面都冇傷口嘅話,呢一個都係低風險嘅性病傳播途徑。

@Ana_StickyRiceLove 都有提及過,如果真係好擔心嘅話,都可以等空窗期過咗之後去做性病測試。但係如果你而家已經有一啲尿道炎嘅病徵,例如小便刺痛的話,都會建議你盡快去搵醫生檢查。

另外提提你,如果真係尿道炎,尿道炎嘅出現其實未必關你啱啱好擔心嘅性交行為事,有機會可能係性行為之前陰莖尿道已經有尿道炎嘅菌。所以其實未必追溯到係因為咩事有尿道炎嘅~

最後都需要澄清番,陰囊比平時熱並唔係一個性病病徴嚟嘅! 因為當我哋人緊張或者擔心嘅時候,我哋嘅體溫會上升或者放大咗本身自己嘅一啲感覺。所以你首先可以留意下我哋以上所講嘅情況,然後如果你依然係好擔心嘅話,都建議你空窗期過後去做性病測試~希望可以解答到你:full_moon_with_face:!

1個讚

啱啱大髀後側刺痛了一下…

你好,
我哋之前都已經解釋過你嘅感染風險相對好低,亦介紹過感染HSV嘅症狀,同埋有建議你如果擔心嘅話可以點樣去做測試。同埋我哋都有介紹尿道炎嘅症狀同應對方法。你可以仔細地睇返我哋之前嘅回覆。

至於「大髀後側刺痛了一下」呢樣嘢,導致嘅原因都可能有好多,例如肌肉拉扯到等等。單憑呢樣嘢,我哋都唔能夠準確咁判斷到啲咩。 :x:

所以建議你如果你依然好擔心嘅,與其估估下,不如真係去睇醫生/等空窗期之後做性病測試。 :man_health_worker:t2: :woman_health_worker:t2:

1個讚