底褲上面有啲黃色一粒粒既野

我係一個中二既女仔
有自慰既習慣
由前幾日開始 我底褲上面有一啲黃色一粒粒既野
一日大概2-3粒左右
都好細粒
究竟我係咪有病?
我屋企人都唔知我有自慰既習慣
如果要去醫院既話我真係好驚

除左黃色一粒粒之外,仲有無其他不適,例如痕癢感覺?白帶有無一樣變成黃色同有異味?

你講一粒粒的東西,可能係分泌物乾枯之後的樣子。
分泌物異樣和自慰沒有必然關係,因為好多原因都會導致分泌物異常。
最近的分泌物是怎樣的?

只係有異味
有時會痕癢

上星期六既白帶好正常,但係到星期日就變到一粒粒

照咁睇即係上星期六之前都係正常, 上星期日到宜家都有黃色粒粒出現。

咁係上個星期六日有無自慰過, 而自慰之後有無抹返乾淨?平日會不會經常著緊身嘅褲、legging或者絲襪?

[quote=“Rice_StickyRiceLove, post:3, topic:586, full:true”]

星期日有自慰過,之後就立即去左沖涼
平時都唔着緊身嘅褲、legging或者絲襪

問多一個習慣:平時去小便之後,係由前面抹向後面,定係由後面抹向前面?

點解咁問嘅原因,因為由後面抹返上前面,會令肛門附近嘅細菌帶到陰道同尿道,引起陰道炎或者尿道炎。

都係前面去後面

冇記錯星期六都開始有一粒粒
但係冇其他問題
星期六之前都冇自慰過

如果你有保持清潔, 亦無成日焗住陰部, 咁應該問題不大, 但都應該去睇下醫生, 再詳細去了解係咩野問題。有時候因為病左、藥物等等都可以令陰部個益菌同害菌嘅平衡, 咁就會有發炎嘅問題。

另一個可能性就係自慰時手指唔乾淨, 例如留左指甲咁, 就有可能將指甲縫嘅細菌留左係陰部而出問題。

現階段都係盡量保持通爽, 多著裙少著緊身同焗身嘅褲, 底底最好係著棉質個D。暫時忍下手唔好自慰住, 亦無需要刻意用女性清潔液, 因為個D清潔液往往仲會刺激到陰部添。如果黎M或者用開護墊, 就要勤D換, 唔好等佢索到漏先換呢。

1個讚

其實我既自慰方法同其他人都好唔同
我係隔住隻褲黎自慰。。。
有冇關係?

係唔係隔住底褲? 如果個條底褲係著左好一段時間, 上面會有尿液、白帶同汗, 細菌會係呢D野上面滋長, 而隔住褲摩擦就有可能將個D細菌留左係陰部皮膚上面, 同埋刺激到陰部皮膚。

原來係因為咁。。。。
唔該曬
我會去睇下醫生架啦:)

1個讚

我想請問下如果我想睇多幾日個病程有冇好轉
會唔會有影響?
因為屋企冇太多閒錢。。。

病向淺中醫會好啲,因為陰部發炎呢樣野處理唔好都幾磨人的。

家計會同衛生署睇病都唔貴,你可以參考下以下網頁,然後同屋企人講你有咩需要 :blush:
家計會:
http://www.famplan.org.hk/fpahk/zh/template1.asp?style=template1.asp&content=services/clinic/services.asp&nscref=19
衛生署:
http://www.fhs.gov.hk/tc_chi/centre_det/cent_pwhs/cent_pwhs.html

今日同媽媽講曬
佢帶我去藥房到問注冊醫生
原來只係因為熱氣上火
我地買左啲藥
我睇下呢幾日食左藥會唔會好啲
唔該曬😊

呢幾日你戒口,做下運動,身體會好得快d。
有咩問題可以再問哦! :blush:

1個讚