請問下大家點睇

10/19做左一次有套冇射 上個月9/25號黎m 幾日前分泌物有少少血絲 以為黎m 點知唔係 今日有d啡色分泌物好多 維持左好幾日嘅腹痛(有時候同黎m差唔多痛)睇過中醫 內分泌失調 食左中藥三個星期 點算好 會唔會有左啊?

hello 你好啊 :smiling_face_with_three_hearts:就著你分享嘅情況,意外懷孕嘅風險都比較低。如果10/19嘅性行為,你地都有全程正確使用安全套,懷孕嘅風險都比較微。建議你地可以喺性行為完咗,可以進行注水測試。步驟非常簡單,直接加水入安全套,如果安全套嘅表面有水漬、冇水滲/ 漏出嚟,就代表安全套冇破損。 :innocent:

至於分泌物方面嘅疑問,你都有睇過醫生,醫生都作出咗判斷喺「內分泌失調」。如果想俾一個更加肯定嘅答案自己,建議你可以考慮驗孕。驗孕嘅準確率都有97%-99%。距離性行為發生後7日驗孕,可以得出初步嘅結果;距離性行為後11日驗孕,可以得出準確可靠嘅結果。一般受精卵著床需要6-9日,所以如果真係懷孕的話,其實性行為11日後就受精卵已經著左床,並分泌出足夠嘅孕激素(hCG)去令驗孕棒測到懷孕嘅情況。驗孕棒嘅準確率都有97%-99%,所以只要跟足說明書嘅指示完成步驟,就可以安心相信結果。如果你喺10/19發生性行為,距離依家已經有9日,所以依家都可以嘗試驗孕。 :smiling_face_with_three_hearts:

最後,或者你都會擔心,分泌物帶有血絲等等會唔會喺著床性出血嘅情況。28-19床出血係指當受精卵着床喺子宮壁嘅時候有機會造成嘅少量出血,通常只會有幾滴或者最多一塊護墊可以承載到嘅血量,而且係一次性,唔會持續地出血幾日,血嘅顏色亦會同月經嘅唔一樣。一般由受精到着床大概係性行為後六至九日就會發生。而着床性出血並唔係一個常見嘅現象,即使真係因為懷孕都係只有少部分女性會出現嘅情況。所以如果你形容嘅情況——分泌物有血絲/ 啡色,都唔喺太相同。希望可以解答到你。 :smiling_face_with_three_hearts:

多謝啊 姐係懷孕嘅話出現血絲只係一次? 但係我呢兩日一直keep住有啡色嘅血?係咪關內分泌失調事啊?定係已經係黎m啊?

正如 @Claire_StickyRiceLove 提及過咁,著床性出血,一般血量會較少,顏色較淺,可能會少至只有一滴血,部分人可能血量會多少少 。血量係護墊可以承載嘅血量 ,通常只會一日內一瞬間流完 ,並唔會似月經咁持續黎4-5日。著床性出血時亦唔會好似黎月經咁身體有劇烈感覺(例如肚痛、頭暈等)。所以從經血量、持續日子、身體感覺上,著床性出血同一般月經都有好大分別 :wink:,不難分辨。

而分泌物方面,正如你提及過咁,照醫生診斷係由內分泌失調所引起。不過如果上次月經係25/9左右黎的話,都有機會係來經前嘅徵兆:relaxed: 建議可以觀察埋之後幾日分泌物/陰道出血嘅狀況先~

唔該你啊 不過我琴日都有d啡色嘅血 有一塊護墊嘅量 (兩次)以為係黎m 點知唔係 不過真係好煩啊