琴日五點嘅時候個安全套穿咗 同男朋友傾咗點都去食事後藥 如果我今日再試多次冇套內射得唔得 因為陣間會食事後藥
Hello @00724 
首先想了解一下依家就昨日（28/10）發生嘅性行為係咪已經取得事後丸？
如果尚未攞事後丸的話，因為依家尚未超過5日（事後丸最長服用時限為120小時），可以考慮去家計會睇醫生（事後丸喺香港係屬醫生處方藥物 ），先諮詢醫生嘅意見，及視乎情況攞埋事後丸或進行驗孕 
。咁就可以確保將懷孕嘅機會減到最低。
事後丸主要分為兩種，一種嘅服食時限係性行為後嘅72小時內，而另一種係性行為後嘅120小時內。而服用次數方面，亦會因為唔同牌子所含嘅荷爾蒙種類同劑量都唔一樣，服食嘅方式會分有1粒裝或2粒裝，需按醫生嘅指示而去按時服用。
因為事後丸喺香港係法律規定必須經醫生處方嘅，而且亦都唔係每個人嘅體質都適合服用，所以如果決定服食嘅話建議盡快去家計會/母嬰健康院/私家診所向醫生拎取。
雖然事後丸藥效上係可靠，成效都有97% 至99%，但係唔建議因為將會服用事後丸，而去發生唔安全嘅性行為。一方面每多一次有精子接觸到陰道，懷孕嘅風險都會再次提高；另一方面無套內射的話亦會有性病傳播嘅風險 
。加上事後丸嘅原理係透過抑制排卵、增加子宮頸黏液濃稠度，從而阻止精子同卵子結合 。並且透過改變子宮內受精卵著床的環境 ，令受精卵難以著床。所以假如昨日已經有精子進入體內，今日如果再次有精子進入陰道的話，其實都會令事後丸嘅工作上更加困難。同埋考慮到聽日係星期六日，都擔心會否趕得切去家計會或私家診所睇醫生攞事後丸。如果剛好唔好彩身體已經排左卵，可能攞事後丸之前，身體已經受左精，咁粒事後丸就唔會再有用。
建議整個性行為都戴好安全套，一方面可以減低懷孕嘅風險，另一方面都可以避免性病傳播嘅風險啊～ 
最後，安全套破裂嘅原因有好多，例如正反調轉左、潤滑度不足、無擠出儲精囊內空氣等等，都可以留意一下以下嘅文章，睇下會唔會幫助到未來減低安全套破損嘅機會啊
《糖不甩：10個令安全套失效的原因》