男朋友早洩

男朋友本身係處男,但我同佢一齊之前已經唔係處女
佢細細個已經割咗包皮,唔算好敏感
同佢做過幾次,含嘅時間都耐
有時做嘅過程(例如一戴套)就會軟咗
但到真係插,每次佢都好快射

知道佢都有啲壓力,但唔知有咩方法解決?

Hello @jww :blush: :wave:t2: 暫時醫學上對於早洩嘅定義都係指係刺激陰莖/開始進行性交后1分鐘內射精,所以都可以睇睇係咪真係有「早洩」嘅情況,還是主要係彼此對期望嘅射精時間上感到困擾。勃起時間同射精時間其實都可以被好多因素影響到,例如當下嘅身體狀況(例如會唔會好攰/唔夠瞓),心理狀態(例如會唔會好緊張/好大壓力,性興奮程度),被藥物影響等等。都可以了解一下最近有無咩因素,有機會影響到男朋友嘅身體及心理狀態先 :smiling_face_with_three_hearts:

另外,如果男朋友對於自己射精時間上感到壓力的話,其實有唔少人都會透過練習去延長自己射精嘅時間,例如係刺激陰莖到想射精嘅時候就忍住,重複練習,直至到自己期望要射精嘅時間先射精,久而久之都可以令自己無咁快就射精嘅 :relaxed:。除此之外,亦可以從減低敏感度方面著手,例如市面上亦有一啲潤滑劑嘅功能係減低龜頭敏感度,從而延長射精嘅時間。亦有安全套係標榜含有呢啲潤滑劑、設計比較厚或者有特殊嘅形狀或紋路去減低刺激感,呢啲都係一個可以考慮用作改善射精時間嘅工具嚟啊 :wink: