您好呀，我一直都有安全性行為。
今個月開始食事前避孕藥。
由星期三晚上11:30開始服用第一次YAZ避孕藥，
今天星期五下午7時發生性行為時，中途發現Condom突然穿咗，即時停止無繼續性行為(檢查condom無射精及精液）
但因為服食事前藥只有2日時間，應該身體未有藥效，所以星期五晚上12時睇醫生並服用了postinor 2 事後避孕藥。
故此，我想請教你們，我真係好擔心懷孕，
非常感謝你們回覆
Hello 阿Katt
喺行文入面都feel到你真係好擔心，但同時我好欣賞你嘗試搵方法去解決:)
回應返你條問題先
1.請問我呢個機會大機率懷孕嗎?
其實事前避孕藥食落去嗰下已經有藥效，當然都要配合每日定時食。但因為第一次容易漏食或者出現副作用有機會影響藥效（例如服用期間出現嘔吐而將藥丸排出嘅情況），所以都建議服用頭一個禮拜用返安全套。但即使唔係完美使用都好啦，避孕率都9成有多架。另外你都有配合用埋安全套，穿咗都有即時做補救措施，所以唔使太擔心～ （不過發生呢個情況會好擔心都正常嘅，希望數據上可以令到你放心少少啦
）
你食嗰隻藥（postinor 2)屬於單一荷爾蒙類型，只要喺性交之後72個鐘內食嘅話，其實保護率都非常接近100%！
如果都係好擔心，可以喺性行為11日後驗孕 。一般受精卵著床需要6-9日，所以性行為7日後驗孕已經可以有初步結果。而性行為11日後驗孕，就會比較準確同埋可靠，到時就更加放心
關於condom穿咗嘅問題，可能都同condom本身嘅質素有關。建議用之前可以睇吓佢嘅包裝有冇破損丶過期等等，而性交過程入面欠缺潤滑都可能會令到condom更加容易穿㗎。
以下呢個網址都有涵蓋使用安全套嘅正確方式&注意事項，都可以參考一下:)
呢個比較難估計，因為月經週期有好多原因可以導致變化出現，例如最近呢個月有病食過藥、飲食唔均衡、生活唔定時、情緒有起伏、壓力過大等原因，都會令月經週期變長／變短，難以準確預測「安全期 / 危險期」。而事後丸亦有機會令下一次月經嘅時間早咗/遲咗，所以都真係好多因素影響月經嘅時間呀。
請問目前係咪已經停止服用？如果係嘅話，建議嚟咗M之後先再開一盒新嘅食返。另外因為postinor 2屬於單一荷爾蒙類型嘅事後藥，所以服用唔會削弱避孕藥嘅效力！如果都有懷孕嘅擔心，可以配合埋安全套，咁就仲放心啦
希望釋除到你嘅憂慮啦 
多話Andy回覆呀。
因為平時好謹慎，會做足安全措施。所以最近想雙重保障更安心
，開始食事前避孕藥。
YAZ 事前避孕藥我仲繼續食緊，但係同昨晚食嘅事後丸隔開咗6個小時先食。請問我（事前+事後）都食，會唔會有藥物衝突，抵銷藥效呢？
我仲繼續服用緊事前避孕藥，請問應該繼續食定要停服呢？
謝謝你們回覆呀
Hello 想了解一下你食事前避孕藥嘅時候係咪喺月經頭5日期間呢？因為
呢個情況係講緊係月經頭5日之內開始食事前避孕藥先至會即使開始有藥效，但都因為唔肯定會唔會出現副作用，所以其實頭7日內都唔建議直接係無安全套嘅情況下發生性行為。
而如果你開始食藥嘅時候當時並唔係月經頭5日的話，就會建議頭14日如果要發生性行為都要使用埋安全套，比多啲時間身體去適應藥效。
不過，因為你係安全套破裂後幾小時內已經係醫生處方下服用咗事後丸，其實緊急避孕功效都好高，都唔使太擔心。
因為你服食嘅事後丸係屬於單一荷爾蒙，所以係唔會影響事前避孕藥嘅功效嘅，可以繼續如常服用。不過如果你睇醫生處方事後丸嘅時候醫生有表示要暫停事前藥的話，咁最好就跟返醫生嘅指示啦，因為有時唔同人嘅身體狀況醫生都會有唔同判斷。但如果醫生無特別提及的話，咁係可以繼續服用嘅。
不過都要有定心理準備，本身初期服食事前避孕藥身體都需要時間去適應，以致頭1－6個月有機會出現經期唔穩定嘅情況。而家加上有服食過事後丸（內含高劑量荷爾蒙，本身都好常會影響月經），兩者一齊對身體產生影響，嚟緊呢次月經嘅日子都可能會比預期嘅有差距。可以係性行為發生11日後以及預計月經日子（開始食YAZ白色藥丸嘅時候）都自行驗孕去確保係無懷孕。如果係服食完4粒白色藥丸都依然未來月經的話，雖然好大機會係因為服食過事後丸而導致，但都會建議搵醫生檢查一下。如果本身食事前藥之前有徵詢過醫生意見，可以直接搵返相關醫生查詢。而如果無的話，其實都好建議要搵醫生檢查一下確保身體係適合食事前藥嘅，因為市面上有太多唔同牌子，每隻嘅荷爾蒙劑量同種類都有所不同，未必係每個牌子都適合自己，而且亦唔係每個人嘅身體狀況都適合透過事前藥去避孕嘅。可以考慮一下去家計會嘅診所見醫生，除咗有咩事可以隨時返去覆診之外，係家計會買藥亦會被方面平大概一半架～