會不會有懷孕風險

28/10(今日1/11)第二次同男朋友做既時候調轉左個套嚟戴
但當時佢有少少透明嘅液體掂到個套
抹左之後等左一兩分鐘就反返岩個套
因為好似話精子係空氣暴露幾分鐘就會死亡
姐係掂到透明液體個邊嚟做
想問會唔會好大風險:sob::sob::sob:
洗吾洗去家計會拎事後丸食?會唔會太遲?:persevere:

你所講嘅「透明嘅液體」係尿道球腺液,陰莖受到刺激嘅時候,會分泌透明嘅尿道球腺液,當中有機會含有少量精子。而且你講「第二次」應該係講緊男朋友之前已經射過精,咁尿道球腺液中有精子嘅機會更加高、精子嘅數量亦可能會增加。

如果反轉咗安全套,再反返使用,因為接觸到尿道球腺液,係會有一定嘅懷孕風險。的確精子係空氣暴露幾分鐘就會死亡,風險會降低,但係我哋唔能夠肯定等呢一兩分鐘之後所有精子都已經死亡。而導致懷孕只需要一粒精子。

所以你可以衡量風險,考慮需唔需要進行緊急避孕。事後藥要喺性行為後72小時或120小時內食,而且緊急避孕藥係處方藥物,一定要睇醫生先可以食到。所以如果你決定要食,就盡快預約家計會診所/母嬰健康院/部分診所睇醫生食藥啦。 :woman_health_worker:t2: :man_health_worker:t2:
而如果你決定唔食藥,又擔心嘅,你可以考慮進行驗孕。驗孕係檢驗尿液中嘅hCG水平,hCG係卵子受精著床之後身體會產生嘅一種荷爾蒙,而卵子受精著床需要大概6-9日嘅時間。所以,喺最後一次性行為7日後(11月4號)驗孕會得到初步結果,而11日後(11月8號)驗孕就會得到相對比較準確嘅結果啦。你可以耐心等待到相應日子,然後根據驗孕棒包裝/說明書上嘅指示正確咁進行驗孕。

下次再發生性行為嘅時候記得全程正確使用安全套,可以參考返:https://www.instagram.com/p/B4EX0FVFLUf/?utm_source=ig_web_copy_link
加埋避開可能會令安全套失效嘅行為(例如:https://www.instagram.com/p/CM4ereiDmIl/?utm_source=ig_web_copy_link ),咁就可以更加安心啦! :smiling_face_with_three_hearts:

我今日已經去左食事後丸 120小時內個隻
姑娘話我係70小時內食
但係上個月嚟m係12/10 好似撞正28-29/10係排卵期個階段
個風險係咪真係好大。。。?:sob::sob::sob:

同埋當時有用durex水性潤滑劑捽過先再用:pleading_face:

補充返28/10第一次有射精
但第二次冇射精

29/10 姐係調返轉condom個次有射:pleading_face:

hello 你好啊 :smiling_face_with_three_hearts:如果已經服用事後丸,相信意外懷孕嘅可能性已經大大降低。事後丸大約可以分為性行為後72小時或120小時內服用。所以你喺性行為後70小時內服用,都喺屬於時限內服用。事後丸嘅原理係透過抑制排卵、增加子宮頸黏液濃稠度,從而阻止精子同卵子結合 。並且透過改變子宮內受精卵著床的環境 ,令受精卵難以著床。所以就算排卵,受精卵都唔會可以成功喺子官著床。所以排卵期並唔會影響事後丸嘅藥效。你都可以問翻開藥嘅醫生/ 姑娘查詢,確認處方嘅藥物有冇以上嘅藥效。再加上計算排卵期並唔喺帶有效嘅方式嚟避孕。因為身體嘅荷爾蒙受好多因素影響,例如飲食、睡眠、服用藥物(例如抗生素)、壓力、情緒等等因素,都會影響經期。所以就算以往經期都喺準時,都唔代表今次或將來嘅經期都喺準時。而我地需要喺醫生嘅指導下使用試紙至可以準確地檢測到確實嘅排卵期。所以就算服藥嘅時限喺咪排卵期,呢點無辦法透過經期嚟計算。最能夠影響意外懷孕風險,都喺在於有冇時限內服用事後丸~

最後你都有提及你地喺親密行為期間使用durex水性潤滑劑,的確使用水性潤滑劑可以減低安全套因為磨擦而破損嘅機會,但單單使用水性潤滑劑,唔會有任何避孕/殺精嘅效果。所以精液接觸到潤滑劑,都有機會存活。但喺精子一旦暴露喺空氣當中,短時間內就會死亡。如果你真喺好擔心嘅話,都好建議你可以喺距離性行為後7/11日之後驗孕,7日後驗孕以獲取初步結果,11日驗孕可以獲取準確可靠嘅結果。希望可以解答到你。 :innocent:

吾該晒你地嘅回覆,希望真係冇事啦,我地下次會小心啲:sob::sob::sob: